واٹس ایپ پر طلاق دینے کا حکم

محترم مفتی صاحب/ وانتظامیہ جامعہ بنوریہ عالمیہ، السلام علیکم!
مجھے امید ہے کہ یہ ای میل آپ کو بہترین صحت اور ایمان کی حالت میں پائے گا، میں طلاق سے متعلق ایک اسلامی اور فقہی معاملے پر وضاحت طلب کرنے کے لئے لکھ رہا ہوں، حال ہی میں ایک شخص نے مبینہ طور پر واٹس ایپ کے ذریعے اپنی بیوی کو طلاق نامہ (طلاق کا دستاویز) بھیجا تھا، میرے سوالات درج ذیل ہیں:
1- طلاق کا جواز: کیا WhatsApp کے ذریعے بھیجی جانے والی طلاق کو اسلامی قانون میں جائز سمجھا جاتا ہے؟
2-رجوع (طلاق کی تنسیخ) کا طریقہ: اس طلاق کو منسوخ کرنے کا صحیح طریقہ کیا ہے، اگر یہ واقعی درست ہے، تو میں آپ سے درخواست کرتا ہوں کہ جلد از جلد اس معاملے میں رہنمائی اور فتویٰ دیں؟ اس طرح کے معاملات میں آپ کی مہارت اور علم انتہائی قابل احترام ہے، اور میں آپ کے تفصیلی جواب کی بہت تعریف کروں گا۔ جزاک اللہ خیرا۔

الجوابُ حامِدا ًو مُصلیِّا ً

سائل نےجب اپنے ہوش حواس میں بلاکسی جبر واکراہ تین طلاقوں پر مشتمل منسلکہ طلاق نامہ پردستخط کردیےتو اس سے سائل کی بیوی پر تینوں طلاقیں واقع ہوکر حرمتِ مغلظہ ثابت ہوچکی،اب رجوع نہیں ہوسکتا،اور حلالۂ شرعیہ کےبغیر باہم عقد ِنکاح بھی نہیں ہوسکتا ،لہذادونوں پرلازم ہےکہ فوراً ایک دوسرےسےعلیحدگی اختیارکریں،اورمیاں بیوی والا تعلق ہرگزقائم نہ کریں،ورنہ دونوں سخت گناہ گارہونگے،جبکہ عورت ایامِ عدت گزارنےکےبعداپنی مرضی سےدوسری جگہ نکاح کرنےمیں بھی آزاد ہے۔
اور حلالۂ شرعیہ یہ ہےکہ عورت ایامِ عدت گزارنےکےبعدبغیرکسی شرط کےکسی دوسرےشخص سےاپناعقدِنکاح کرے،چنانچہ اگر وہ دوسراشخص بھی اس سےایک مرتبہ ہمبستری(جوکہ حلالۂ شرعیہ کےلئےضروری ہے)کےفوراً بعدیاازدواجی زندگی کےکچھ عرصہ بعدطلاق دیدےیاطلاق تونہ دے،مگراس کا بیوی سےپہلےانتقال ہوجائے،توبہرصورت اسکی عدت گزارنےکےبعداگروہ پہلےشوہرکےنکاح میں آناچاہےاورپہلاشوہربھی اسےرکھنےپررضامندہو،تونئےحق مہرکےتقررکےساتھ گواہوں کی موجودگی میں دوبارہ عقدِنکاح کرکےباہم میاں بیوی کی حیثیت سےزندگی بسرکرسکتےہیں،تاہم حلالہ اس شرط کیساتھ کرناکہ زوج ِثانی ہمبستری کےبعدبیوی کوطلاق دیگا،تاکہ زوجِ اول دوبارہ اس کےساتھ عقدِنکاح کرے ,یہ مکروہ ِتحریمی ہے،اوراس پرحدیث میں وعیدیں وارد ہوئی ہیں،لہذایسےحلالہ سےاحتراز لازم ہے،البتہ بلاشرط ایساکرنا بلاشبہ جائزاوردرست ہے۔

مأخَذُ الفَتوی

كما في الدر المختار: ولو كتب على وجه الرسالة والخطاب، كأن يكتب يا فلانة: إذا أتاك كتابي هذا فأنت طالق طلقت بوصول الكتاب جوهرة اھ (3/246)۔
وفي حاشية ابن عابدين: تحت (قوله طلقت بوصول الكتاب) (الی قولہ) وإن كانت مرسومة يقع الطلاق نوى أو لم ينو ثم المرسومة لا تخلو إما أن أرسل الطلاق بأن كتب: أما بعد فأنت طالق، فكما كتب هذا يقع الطلاق وتلزمها العدة من وقت الكتابة الخ (ج3 صـ246 کتاب الطلاق ط: سعید)۔
وفی الدرالمختار : (صريحه ما لم يستعمل إلا فيه) ولو بالفارسية (كطلقتك وأنت طالق ومطلقة)الخ( ج1ص 247 باب الصریح ط سعید)۔
وفی الھندیۃ: وإن كان الطلاق ثلاثا في الحرة وثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها كذافي الهدايةالخ(ج1ص473کتاب الطلاق ط:ماجدیۃ)۔
وفی بدائع الصنائع: وأما الطلقات الثلاث فحكمها الأصلي هو زوال الملك، وزوال حل المحلية أيضا حتى لا يجوز له نكاحها قبل التزوج بزوج آخر؛ لقوله - عز وجل - {فإن طلقها فلا تحل له من بعد حتى تنكح زوجا غيره} [البقرة: 230] ، وسواء طلقها ثلاثا متفرقا أو جملة واحدة؛الخ ( ج3ص 187 فصل وأما حکم البائن ط سعید)۔