فقط ”طلاق طلاق طلاق“ کہنے سے طلاق واقع ہوتی ہے ؟

کیا فرماتے ہیں مفتیانِ کرام مندرجہ ذیل مسئلہ میں کہ گھر میں لڑائی جھگڑے کی وجہ سے مجھے سخت غصہ آیا، تو میں نے غصے میں اپنی بیوی کو کہا "طلاق ، طلاق ، طلاق " ساتھ میں کوئی ایسا لفظ نہیں بولا کہ میں تمہیں طلاق دیتا ہوں وغیر ہ ، بس صرف تین مرتبہ طلاق کا لفظ بولا ، اب معلوم کرنا ہے کہ اس صورت میں طلاق واقع ہوئی کہ نہیں؟ اگر ہوئی ہے تو کتنی ؟ اور اب ہمارے لئے کیا حکم ہے ؟ تفصیل سے تحریر فرمائیں ؟ جبکہ موقع پر موجود والدہ اور خالہ زاد بھائی کا کہنا ہے کہ ، اس نے کہا کہ نکل جا گھر سے میں تمہیں طلاق دیتا ہوں ، طلاق ، طلاق ، طلاق۔

الجوابُ حامِدا ًو مُصلیِّا ً

سائل نے جب دوران جھگڑ اخط کشیدہ الفاظ تین مرتبہ کہہ دیتے ہیں، تو اس سے اس کی بیوی پر تین طلاقیں واقع ہو کر حرمت مغلظہ ثابت ہو چکی ہے ، اب رجوع نہیں ہو سکتا اور حلالہ شرعیہ کے بغیر دوبارہ باہم عقد نکاح بھی نہیں ہو سکتا۔ جبکہ عورت ایام عدت کے بعد اپنی مرضی سے دوسری جگہ نکاح کرنے میں بھی آزاد ہے۔

مأخَذُ الفَتوی

كما في بدائع الصنائع في ترتيب الشرائع: ومنها النية (إلی قوله) فالألفاظ التي يقع بها الطلاق في الشرع نوعان: صريح وكناية أما الصريح فهو اللفظ الذي لا يستعمل إلا في حل قيد النكاح، وهو لفظ الطلاق أو التطليق مثل قوله: " أنت طالق " أو " أنت الطلاق، أو طلقتك، أو أنت مطلقة " مشددا، سمي هذا النوع صريحا؛ لأن الصريح في اللغة اسم لما هو ظاهر المراد مكشوف المعنى عند السامع (إلی قوله) وهذه الألفاظ ظاهرة المراد؛ لأنها لا تستعمل إلا في الطلاق عن قيد النكاح فلا يحتاج فيها إلى النية لوقوع الطلاق؛ إذ النية عملها في تعيين المبهم ولا إبهام فيها. (3/ 101)۔
وفى الفتاوى الهندية: روى ابن سماعة عن محمد رحمه الله تعالى فيمن قال لامرأته كوني طالقا أو اطلقي قال أراه واقعا ولو قال لها أنت طالق طالق أو أنت طالق أنت طالق أو قال قد طلقتك قد طلقتك أو قال أنت طالق وقد طلقتك تقع ثنتان إذا كانت المرأة مدخولا بها اھ (1/ 355) والله علم بالصواب