کئی بار طلاق کا اقرار کرنے سے وقوع طلاق کا حکم

کیا فرماتے ہیں مفتیان کرام مندرجہ ذیل مسئلے کے بارے میں کہ
شوہر نے بیوی کو کہا کہ "میں نے آپ کو اپنی ماں کے گھر دو طلاقیں دی تھیں ،اور ایک طلاق اپنے گھر پر دی ہے " اس بات کو تقریباً 2 سال ہو چکے ہیں، اس دوران کئی مرتبہ آپس میں چپقلش ہوئی ،تو شوہر ہر مرتبہ یہی کہتا کہ آپ تو میری طرف سے آزاد ہو چکی اب تک یہاں کیا کر رہی ہو ، پرانی طلاقوں والا قصہ ہر لڑائی پر دہراتا تھا، یہ بیوی کا حلفیہ بیان ہے، برائے مہربانی حکم شرعی سے آگاہ فرمائیں کہ مذکور صورت میں کتنی طلاقیں ہوتی ہیں ؟ اور اب دونوں کا دوبارہ ایک ساتھ میاں بیوی کی طرح رہنا شرعاً جائز ہے یا نہیں ؟ شکریہ

الجوابُ حامِدا ًو مُصلیِّا ً

بیوی کا بیان اگر درست اور حقیقت پر مبنی ہو ،اس میں کسی قسم کی غلط بیانی سے کام نہ لیا گیا ہو، اس طور پر کہ شوہر نے اس کے سامنے اپنی ماں کے گھر دو طلاق اور اپنے گھر پر ایک طلاق دینے کا اقرار کیا ہو تو اس سے اس پر تین طلاقیں واقع ہو کر حرمت مغلظہ ثابت ہو چکی ہے ،اب رجوع نہیں ہو سکتا، اور حلالہ شرعیہ کے بغیر دوبارہ باہم عقد نکاح بھی نہیں ہو سکتا ، جبکہ عورت ایام عدت کے بعد اپنی مرضی سے کسی دوسری عقد نکاح کرنے میں بھی آزاد ہے۔

مأخَذُ الفَتوی

قال الله تعالى: {فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ } [البقرة: 230]۔
و في صحيح مسلم: عن عائشة، قالت: جاءت امرأة رفاعة إلى النبي صلى الله عليه وسلم، فقالت: كنت عند رفاعة، فطلقني، فبت طلاقي، فتزوجت عبد الرحمن بن الزبير، وإن ما معه مثل هدبة الثوب، فتبسم رسول الله صلى الله عليه وسلم، فقال: «أتريدين أن ترجعي إلى رفاعة؟ لا، حتى تذوقي عسيلته، ويذوق عسيلتك»، اھ (2/ 1055)۔
و في الفتاوى الهندية: ولو قال لامرأته أنت طالق فقال له رجل ما قلت فقال طلقتها أو قال قلت هي طالق فهي واحدة في القضاء كذا في البدائع اھ (1/ 355)۔
و في بدائع الصنائع: وأما الطلقات الثلاث فحكمها الأصلي هو زوال الملك وزوال حل المحلية أيضا حتى لا يجوز له نكاحها قبل التزوج بزوج آخر لقوله عز وجل { فإن طلقها فلا تحل له من بعد حتى تنكح زوجا غيره } وسواء طلقها ثلاثا متفرقا أو جملة واحدة اھ (3/ 187) والله أعلم بالصواب