خلوت صحیحہ سے پہلے دی ہوئی طلاق کا حکم

کیا فرماتے ہیں مفتیان کرام اس مسئلہ کے بارے میں کہ میں نے ایک لڑکی سے ڈیڈھ مہینہ پہلے کورٹ میرج کی تھی،لیکن بعد میں لڑکی کے گھروالوں کی بحث و تکرار کی وجہ سے میں نے اس کو طلاق کے جملے"میں جواد حسین اپنے ہوش و حواس میں تمہیں طلاق دیتا ہوں"تین بار بول دئیے،جبکہ نکاح کے بعد سے ہمارے درمیان خلوت صحیحہ وغیرہ کچھ نہیں ہوا،اس صورت میں کتنی طلاقیں واقع ہوئی؟اور کیا ہمارے لئے دوبارہ ایک ساتھ رہنے کی گنجائش ہے یا نہیں؟اور حق مہر اور لڑکی پر عدت کا کیا حکم ہے ؟اس کی بھی رہنمائی فرمائیں۔

الجوابُ حامِدا ًو مُصلیِّا ً

صورت مسؤلہ میں اگر سائل مذکور لڑکی کا کفوء ہو اور نکاح باقاعدہ گواہوں کی موجودگی میں مہر مثل پر ہوا ہو تو شرعاً یہ نکاح درست منعقد ہوچکا تھا، تاھم اگر نکاح کے بعد سائل اور اس کی منکوحہ کے درمیان خلوت صحیحہ نہ ہوئی ہو اور اس نے ایک ساتھ تین طلاقیں نہ دی ہوں بلکہ مذکور جملہ "میں تمہیں طلاق دیتا ہوں " الگ الگ تین بار بولا ہو تو ایسی صورت میں پہلی بار یہ جملہ ادا کرنے سے لڑکی پر صرف ایک طلاق بائن واقع ہوکر نکاح ختم ہوگیا تھا اور بقیہ طلاقیں محل نہ ہونے کی وجہ سے لغو ہوگئیں، اور چونکہ رخصتی اور خلوت صحیحہ سےقبل ہی علیحدگی ہوگئی اس لئے آدھے حق مہر کی ادائیگی سائل پر لازم ہوگی جبکہ عورت سائل یا کسی بھی شخص سے عدت گزارے بغیر نکاح کرنے میں آزاد ہے تاھم اگر وہ سائل کے ساتھ دوبارہ نکاح کرنے پر آمادہ ہوجاتی ہے تو اس صورت میں نئے حق مہر کے تقرر کے ساتھ باقاعدہ نکاح ہوگا اس نکاح کے نتیجے میں آئندہ اس کو صرف دو طلاقوں کا حق حاصل ہوگا اس لئے آئندہ طلاق کے معاملہ میں انتہائی احتیاط سے کام لینا چاہئےہے۔

مأخَذُ الفَتوی

کما فی الدر المختار : (وإن فرق) بوصف أو خبر أو جمل بعطف أو غيره (بانت بالأولى) لا إلى عدة (و) لذا (لم تقع الثانية) بخلاف الموطوءة حيث يقع الكل وعم التفريق،(ج:3،ص:284)
وفیہ ایضاً: ‌وسبب ‌وجوبها) ‌عقد (‌النكاح المتأكد بالتسليم وما جرى مجراه) من موت، أو خلوة أي صحيحة، فلا عدة بخلوة الرتقاء. وشرطها الفرقة(ج:3،ص:504،مط:سعید)
وفی الھندیۃ : ‌أربع ‌من ‌النساء ‌لا ‌عدة عليهن: المطلقة قبل الدخول، والحربية دخلت دارنا بأمان تركت زوجها في دار الحرب والأختان تزوجهما في عقد واحد فيفسخ بينهما والجمع بين أكثر من أربع نسوة فيفسخ بينهن كذا في التتارخانية ناقلا عن الخزانة. العدة بالنساء بالإجماع كذا في التمرتاشي.(ج:1، ص526 مط:مکتبہ ماجدیہ)
وفیہ ایضاً : ‌وإن ‌طلقها ‌قبل ‌الدخول ‌تجب ‌المتعة ولا يتنصف المفروض في قول أبي حنيفة ومحمد رحمهما الله تعالى، كذا في السراج الوهاج ولا تجب المتعة إلا إذا حصلت الفرقة من جهته كالطلاق والفرقة بالإيلاء واللعان والجب والعنة وردته وإبائه الإسلام وتقبيله أمها وابنتها بشهوة،(الیٰ قولہ ) (المتعة ثلاثة أثواب) قميص وملحفة ومقنعة وسط لا جيد غاية الجودة ولا رديء غاية الرداءة كذا في المحيط هذا في عرفهم.(ج:1، ص:304)
وفی البحر الرائق : فانہ یجب النصف لو طلقھا قبل الدخول۔(3،ص:143، مط:مکتبہ رشیدیہ)