ای 120 فوڈ کلر کا حکم

السلام علیکم، E120 جسے کوچنیل (Cochineal) یا کارمائن (Carmine) بھی کہا جاتا ہے، اس کے شرعی حکم کے بارے میں کیا رائے ہے؟

الجوابُ حامِدا ًو مُصلیِّا ً

E120 (کارمائن/کوچنیل) ایک رنگ ہے جو ایک مخصوص قسم کے کیڑے (کچنیلا) سے حاصل کیا جاتا ہے۔ چونکہ اس کیڑے میں بہنے والا خون نہیں ہوتا، اس لیے یہ اور اس سے حاصل شدہ اجزاء شرعاً پاک شمار ہوتے ہیں، تاہم یہ حشرات الارض اور خبائث میں داخل ہونے کی وجہ سے اس کا کھانا جائز نہیں۔ لہٰذا E120 سے حاصل کردہ رنگ اگرچہ ناپاک نہیں، لیکن اس کا خوردنی اشیاء میں استعمال حلال نہیں، اس لیے جن کھانے پینے کی اشیاء میں E120 شامل ہو ان کا استعمال جائز نہیں ہوگا۔ البتہ چونکہ یہ رنگ پاک ہے، اس لیے میک اپ، کاسمیٹکس اور دیگر غیر خوردنی اشیاء میں اس کا بیرونی استعمال جائز ہے۔

مأخَذُ الفَتوی

کما فی احکام القرآن لجصاص: قال تعالٰی یا أیہا الناس کلوا من الطیبات یعنی الحلال وقال ویحل لہم الطیبات ویحرم علیہم الخبائث فجعل الطیبات فی مقابلۃ الخبائث والخبائث ہی المحرمات (ج ۳ ص ۳۰۷)۔
وفی تنقیح ا لفتاوی الحامدیہ: ضبط أھل الفقہ حرمۃ التناول إما بالإسکارکالبنج وإما بالإضرار بالبدن کالتراب والتریاق أو بالإستقذارکالمخاط والبزاق وھذا کلہ فیما کان طاھراً ۔ (ص:۳۶۳،ج:۲،ط:المکتبۃ الحبیبیۃ)
وفی رد المحتار: ولایحل ذوناب یصید بنابہ ...ولاالحشرات)ھی صغار دواب الأرض واحدھا حشرۃ... ثم قال:والخبیث ما تستخبثہ الطباع السلیمۃ...وتحتہ فی الرد:قال فی معراج الدرایۃ:أجمع العلماء علی أن المستخبث حرام بالنص وھو قولہ تعالی:ویحرم علیھم الخبائث...۔(کتاب الذبائح، ص:۳۰۵،۳۰۶،ج:۶،ط:ایچ ایم سعید )
وفی البحرالرائق: وحل غراب الزرع ...لا الأبقع...والحشرات...یعنی ھذہ الأشیاء لاتوکل...والحشرات فلأنھا من الخبائث وقد قال تعالٰی۔:ویحرم علیھم الخبائث...۔ (کتاب الذبائح،ص:۱۷۲،ج:۸،ط:رشیدیہ)