محترم جناب مفتی صاحب،السلام علیکم'حکومتِ پاکستان نے کچھ عرصہ پہلے اوورسیز پاکستانیوں کے لیے ایک پاکستان روشن ڈیجیٹل اکاؤنٹ فارن کرنسی میں شروع کیا ہے۔
1۔ کیا روشن ڈیجیٹل فارن کرنسی اکاؤنٹ پر جو منافع/سود ملتا ہے، کیا یہ حرام ہے؟2۔ اگر حرام ہے تو اس اضافی رقم کا کیا کیا جائے؟3۔ قرآنِ مجید میں کسی گناہ یا جرم کو ”خدا اور رسول کے ساتھ اعلانِ جنگ“ کے الفاظ استعمال نہیں کیے گئے سوائے سود/ربا کے۔ اس کا مطلب ہے کہ سود/ربا حرام چیزوں میں بدترین ہے؟
واضح ہو کہ سودی اور کنونشنل بینکوں میں کے کسی بھی سیونگ اکاؤنٹ میں رقم رکھنے پر جو نفع ملتا ہے وہ شرعاً سود کے حکم میں ہونے کی وجہ سے ناجائز اور حرام ہے جس سے اجتناب لازم ہے،لہذا مذکور روشن ڈیجٹل اکاؤنٹ اگر کسی کنونشل بینک میں کھولا جائے تو اس پر ملنے والی اضافی رقم سود ہونے کی وجہ سے ناجائز اور حرام ہے، اس لیے اس سے اجتناب لازم ہے۔
کمافی قرآن المجید: ﴿يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَذَرُواْ مَا بَقِيَ مِنَ ٱلرِّبَوٰٓاْ إِن كُنتُم مُّؤۡمِنِينَ (٢٧٨) فَإِن لَّمۡ تَفۡعَلُواْ فَأۡذَنُواْ بِحَرۡبٖ مِّنَ ٱللَّهِ وَرَسُولِهِ وَإِن تُبۡتُمۡ فَلَكُمۡ رُءُوسُ أَمۡوَٰلِكُمۡ لَا تَظۡلِمُونَ وَلَا تُظۡلَمُونَ (٢٧٩)سورۃ البقرۃ،آیۃ نمبر:278/279)
وفی الدر المختار: ويؤمر أن يتصدق بها لاستفادتها ببدل خبيث وهو التصرف في مال الغير الخ(مطلب في رد المغصوب وفيما لو أبى المالك قبوله،ج:6،ص:189،مط:ایچ ایم سعید)
وفي رد المحتار: وقال في النهاية: قال بعض مشايخنا: كسب المغنية كالمغصوب لم يحل أخذه، وعلى هذا قالوا لو مات الرجل وكسبه من بيع الباذق أو الظلم أو أخذ الرشوة يتورع الورثة، ولا يأخذون منه شيئا وهو أولى بهم ويردونها على أربابها إن عرفوهم، وإلا تصدقوا بها لأن سبيل الكسب الخبيث التصدق إذا تعذر الرد على صاحبه اهـ. (کتاب الکراھیۃ، فصل في البيع،ج:6،ص:385،مط:ایچ ایم سعید)
گاڑی خریدنے کےلئے بینک سے سودی قرض لینا-نمازِ جمعہ کا طریقہ اور اس کو چھوڑنے والے کاحکم
یونیکوڈ مروجہ بینکاری 0