ایک طلاق رجعی کے بعد رجوع کا طریقہ

گھریلو جھگڑوں سے تنگ آ کر میں نے یہ الفاظ لکھ کر دیئے ہیں کہ اب ہمارا اکٹھا رہنا ناگزیر ہو گیا ہے، بہتر ہے کہ اب ہم الگ ہو جائیں'' میں تمھاری خواہش کے مطابق تمہیں طلاق دیتا ہوں'' ۔ اور کچھ دنوں میں یونین کونسل کے زریعے نوٹس بھجوا دوں گا۔
میری عمر 69 سال اور میری بیوی 62 سال سے اوپر کی ہے، میں ذہنی طور طلاق کے لیے نہ تیار تھا، نہ اب ہوں۔نہ ہی یونین کونسل میں درخواست دینا چاہتا ھوں ۔ اب میرے لیے کیا احکامات ہیں۔؟

الجوابُ حامِدا ًو مُصلیِّا ً

سائل نے اگر بیوی کو مذکور الفاظ" میں تمھاری خواہش کے مطابق تمہیں طلاق دیتاہوں"کے ذریعے ایک طلاق د ی ہو، اس سے قبل یا بعد میں مزید کوئی طلاق نہ دی ہو ،تو اس سے اس کی بیوی پر ایک طلاق رجعی واقع ہو چکی ہے،جس کا حکم یہ ہے کہ دوران عدت سائل کو رجوع کرنے کا اختیار حاصل ہے،چنانچہ سائل اگر دوران عدت اپنی بیوی کو"میں تم سے رجوع کرتاہوں"جیسے الفاظ زبانی طور پر کہہ دے یا بیوی کو شہوت کیساتھ چھو لے ،یا اس سے میاں بیوی والا تعلق قائم کرلے،تو یہ رجوع درست ہوکر میاں بیوی کانکاح حسب سابق برقرار رہے گا،بصورت دیگر شوہر کا رجوع نہ کرنے کی صورت میں ایام عدت گزر جانے کے بعدیہ طلاق طلاق بائن ہوکر میاں و بیوی کانکاح ختم ہوجائے گا،جس کے بعد میاں و بیوی کا باہمی رضامندی سے ساتھ رہنے کےلئے باضابطہ گواہان کی موجودگی میں نئے حق مہر کے تقرر کے ساتھ باقاعدہ ایجاب وقبول کرتے ہوئے تجدید نکاح کرنالازم ہوگا،بہر دو صورت آئندہ کے لئے شوہر کوفقط دو طلاقوں کااختیار ہوگا،اس لئے طلاق کے معاملے میں خوب احتیاط چاہیئے۔

مأخَذُ الفَتوی

کما فی الھندیة : واذاطلق الرجل امراتہ تطلیقۃ رجعیة او تطلیقتین فله ان یراجعھا فی عدتھا رضیت بذلک او لم ترض کذا فی الھدایة الخ ( ج: 1، ص: 470، کتاب الطلاق مط : ماجدیة ) ۔
وفیھا أیضاً : ( فالسنة ) ان یراجعھا بالقول و یشھد علی رجعتھا شاھدین و یعلمھا بذلک فاذا راجعھا بالقول نحو ان یقولھا : راجعتک او راجعت امراتی ولم یشھد علی ذلک او اشھد و لم یعلمھا بذلک فھو یدعی مخالف للسنة و الرجعة صحیحة و ان راجعھا بالفعل مثل ان یطاھا او یقبلھا بشھوۃ او ینظر الی فرجھا بشھوۃ فانه یصیر مراجعا عندنا الا انه یکرہ له ذلک و یستحب ان یراجعھا بعد ذلک بالاشھاد الخ ( ج: 1 ص : 467و کتاب الطلاقو الباب السادس فی الرجعة مط : ماجدیة)۔