مسائل قربانی
والدہ کی طرف سےقربانی اور بیٹے کے عقیقہ میں کس کو ترجیح دینی چاہیے ؟
فتوی نمبر : 68270
والدہ کی طرف سےقربانی اور بیٹے کے عقیقہ میں کس کو ترجیح دینی چاہیے ؟
عبادات / قربانی و ذبیحہ / مسائل قربانی
والدہ کی طرف سےقربانی اور بیٹے کے عقیقہ میں کس کو ترجیح دینی چاہیے ؟
دراصل میں اپنے بیٹے کی تقریب عقیقہ سے متعلق سوال پوچھنا چاہتا ہوں۔
اسلام میں عقیقہ واجب ہے یا اختیاری؟
میرا بیٹا دو سال کا ہے اس لیے میں ابھی عقیقہ کر سکتا ہوں یا کوئی خاص عمر ہے؟
میں اپنی والدہ کی قربانی کے لیے رقم ادا کر رہا ہوں اور اس سال کم بجٹ کی وجہ سے میں قربانی یا عقیقہ میں سےکوئی ایک کر سکتا ہوں۔ تو کیا میں قربانی کو ترجیح دوں یا عقیقہ؟
الجوابُ حامِدا ًو مُصلیِّا ً
واضح ہو کہ عقیقہ کرنا ایک مسنون و مستحب عمل ہے،جس کا بچے کی پیدائش کے ساتویں،چودھو یں یا اکیسویں دن اہتمام کرنا چاہئے،لیکن اگر ان ایام میں کسی وجہ سے عقیقہ نہ کیا جاسکے تو بعد میں بھی بچے کی پیدائش کے ساتویں دن کا اعتبار کرتے ہوئے عقیقہ کیا جاسکتاہے،لہذا سائل کے لئے اب بھی بچے کی پیدائش کے ساتویں دن کا اعتبار کرتے ہوئے اپنے بیٹے کا عقیقہ کرنا جائز ہے۔
جبکہ سائل کی والدہ اگر زندہ ہے اور سائل ہر سال اسے قربانی کی رقم ادا کر رہا ہو تو والدہ کی دلجوئی کےلئے اگر سائل وقتی طور پرعقیقہ کو موقوف کرکے والدہ کی قربانی کی رقم ادا کرے تو یہ زیادہ بہتر اور افضل ہوگا۔
سلیم اللہ عُفی عنه
دار الافتاء جامعه بنوریه عالمیه
فتوی نمبر 68270کی تصدیق کریں
Related Fatawa متعلقه فتاوی
Related Topics متعلقه موضوعات
-
124مسائل قربانیRules for the Secrifice
-
23احکام ذبحRules of Slaughter
-
1شفاعتIntercession