ذکر دعاء اور درود

فرض نماز کے بعد اجتماعی دعاء کا حکم

فتوی نمبر :
73661
| تاریخ :
2024-06-04
عبادات / عملیات و اذکار / ذکر دعاء اور درود

فرض نماز کے بعد اجتماعی دعاء کا حکم

فرض نماز کے بعد اجتماعی دعا:
میں نے حنفی علماء سے سنا ہے کہ اجتماعی دعا جائز نہیں ہے، لیکن کبھی کبھی کی جا سکتی ہے۔ چونکہ میری مسجد کے امام باقاعدگی سے کرتے ہیں تو میرے لئے کیا حکم ہے؟

الجوابُ حامِدا ًو مُصلیِّا ً

فرض نمازوں کے بعد امام و مقتدی یا منفرد کا دعا مانگنا احادیثِ طیبہ سے ثابت ہے، جو کہ سنتِ مستحبہ ہے ، پس امام و مقتدی اگر ایک ہی وقت میں اس سنت پر عمل کریں تو یہ اجتماعی دعا کی صورت بن جائیگی، جو شرعاً بھی جائز ہے، مگر افضل یہ ہے کہ
دعا آہستہ ہونی چاہیئے ، کیونکہ قرآن وسنت میں اس کی ترغیب دی گئی ہے ، اور اگر امام بآوازِ بلند دعا کرے اور مقتدی اس پر آمین کہے تو تعلیماً یہ بھی جائز ہے ، اور شرعاً اس میں کوئی قباحت نہیں ، کیونکہ فرائض کے بعد نفس دعا اور ہاتھ کا اٹھانا، آمین کہنا اور دعا کے ختم پر دونوں ہاتھوں کا چہرے پر پھیرنا احادیثِ مبارکہ سے ثابت ہے، البتہ مروّجہ اجتماعی دعا کہ امام و مقتدی سب مل کر ہی دعا کرتے ہیں ، ابتداء بھی ایک ساتھ ہوتی ہے اس طور پر کہ امام افتتاحیہ چند کلمات الحمد لله ”الی آخره“ وغیرہ اونچی آواز سے ادا کرتا ہے اور انتہاء بھی ایک ساتھ ہوتی ہے، جس کی بناء پر مقتدی امام کی دعا کا انتظار کرتے رہتے ہیں اور امام سے پہلے اپنی دعا ختم نہیں کر سکتے ، اگر پہلے ختم کریں تو لوگوں میں یہ عمل معیوب سمجھا جاتا ہے، جبکہ بعض مقامات پر تو امام کی جہری دعا کے جواب میں بآوازِ بلند ” آمین “ یا دوسرے جوابی کلمات نہ بولنے والے کو حقارت کی نظر سے دیکھا جاتا ہے، اور بعض مقامات پر مقتدی کو اپنی نماز سے فارغ ہو کر امام کی دعا کے انتظار میں بیٹھنا پڑتا ہے، یہ سب ایسی باتیں ہیں جن کا شریعت سے کوئی تعلق نہیں ہے ، اور ” قرونِ ثلاثہ مشہو دلہا بالخیر“ میں اس کا کوئی ثبوت نہیں ملتا۔ اس لئے یہ طریقہ من گھڑت اور بدعت ہے، اس سے احتر از لازم ہے۔خلاصہ یہ ہے کہ امام اور مقتدی کا اجتماع ایک ضمنی چیز ہے، مقصود نہیں، لہٰذا اس کو اصل دعا سے بھی مزید بڑھانے کی کوشش کرنا اور ضروری سمجھنا درست نہیں، بلکہ امام کو بھی اختیار ہے کہ جتنی دیر چاہے دعا مانگے اور مقتدی کو بھی اختیار ہے، اس دعا میں کوئی ایک دوسرے کا تابع نہیں لہٰذا اگر مقتدی چاہے تو مختصر دعا مانگ کر چلا جائے، اور چاہے تو امام کے ساتھ دعا ختم کرے، اگر چاہے تو امام کی دعا سے زیادہ دیر تک دعا مانگتا رہے، ہر طرح جائز ہے، اور ان میں سے کسی طرح بھی کرلے تو فرائض کے بعد کی یہ سنتِ مستحبہ ادا ہو جائے گی ۔تاہم جن فرائض کے بعد سنت یا نوافل پڑھنا نبی کریم ﷺ سے منقول ہے ، ان میں فرائض سے فراغ ہو کر طویل دعا کرنے کے بجائے سنن اور نوافل میں مشغول ہوجانا بہتر ہے، البتہ جن فرائض کے بعد سنن اور نوافل پڑھنے کا ثبوت احادیثِ طیبہ سے نہیں ملتا ان فرائض کے بعد طویل دعا مانگنے اور دیگر ذکر و اذکار میں مصروف ہوجانے میں کوئی مضائقہ نہیں ۔

مأخَذُ الفَتوی

کما في الفتاوى الھندية: إذا دعا بالدعاء المأثور جھراً و معه القوم أيضا ليتعلموا الدعاء لا بأس به، وإذا تعلموا حينئذ يكون جھر القوم بدعة، كذا فی الوجيز للكردری. اھ ( ج: 5، ص: 318، ط: ماجدیۃ)۔
و فی بدائع الصنائع: اذا فرغ من الصلاۃ فلا تخلوا اما ان کانت صلاۃ لاتصلی بعدھا سنۃ او کانت صلاہ تصلی بعدھا سنۃ فان کانت صلاۃ لاتصلی بعدھا سنۃ کالفجر و العصر فان شاء الامام قام و ان شاء قعد فی مکانہ لیشتغل بالدعاء لانہ لا تطوع بعدھا (الی قولہ) (و ان) کانت صلاۃ بعدھا سنۃ یکرہ لہ المکث قاعداً و کراھۃ القعود مرویّۃ عن الصحابۃ رضی اللہ عنھم الخ۔(فصل فی بیان الاستحباب عقب الصلاۃ، ج: 1، ص: 160، ط: ایچ ایم سعید)۔

واللہ تعالی اعلم بالصواب
عبدالعزیز رحیم عُفی عنه
دار الافتاء جامعه بنوریه عالمیه
فتوی نمبر 73661کی تصدیق کریں
0     64
Related Fatawa متعلقه فتاوی
  • حضرت محمد صلی اللہ علیہ و سلم کے وسیلہ سے دعا مانگنا جائز ہے یا نہیں ؟

    یونیکوڈ   اسکین   انگلش   ذکر دعاء اور درود 2
  • ”شش قفل، ہفت ہیکل ، دعائے گنج العرش ، دعائے قضا“پڑھنے کا حکم

    یونیکوڈ   اسکین   ذکر دعاء اور درود 2
  • فیمیلی پلاننگ کرتے ہوئے مانع حمل ذرائع استعمال کررہے ہوں تب بھی دعا پڑھیں گے ؟

    یونیکوڈ   اسکین   ذکر دعاء اور درود 1
  • بطورِ تعلیم جہراً اجتماعی ذکر کرنے کا حکم

    یونیکوڈ   اسکین   ذکر دعاء اور درود 0
  • ”أستغفر الله وأتوب إلیہ“ کی تسبیح کا حکم

    یونیکوڈ   اسکین   انگلش   ذکر دعاء اور درود 1
  • ”ألصَّلوٰة والسَّلامُ عَلَیْکَ یَارَسُوْلَ الله“پڑھنے کا حکم

    یونیکوڈ   اسکین   ذکر دعاء اور درود 0
  • کیا نبی کریم۔ صلی اللہ علیہ وسلم۔ اپنی قبر مبارک میں زندہ ہیں؟روضۂ مبارک کے سامنے کھڑے ہو کر درود پڑھنے کا حکم

    یونیکوڈ   اسکین   ذکر دعاء اور درود 0
  • جماعت کی شکل میں ذکرِ جہری کرنے کا حکم

    یونیکوڈ   اسکین   ذکر دعاء اور درود 0
  • کیا کھڑے ہو کر دعا مانگنا مکروہ ہے ؟

    یونیکوڈ   اسکین   ذکر دعاء اور درود 1
  • نماز کے علاوہ حالتِ سجدہ میں دعا مانگنا

    یونیکوڈ   اسکین   ذکر دعاء اور درود 0
  • درود کے بجائے AS لکھنا

    یونیکوڈ   اسکین   ذکر دعاء اور درود 0
  • دعاء میں ہاتھ کس طرح اٹھائیں؟

    یونیکوڈ   اسکین   ذکر دعاء اور درود 0
  • نماز کے بعد دعاء جائے نماز پر ہی مانگنا ضروری ہے؟

    یونیکوڈ   اسکین   ذکر دعاء اور درود 0
  • درودِ تاج کی اہمیت اور تاریخ

    یونیکوڈ   ذکر دعاء اور درود 0
  • سوا لاکھ مرتبہ یا ان گنت آیت کریمہ پڑھنے کا حکم

    یونیکوڈ   ذکر دعاء اور درود 1
  • دعا مانگنے کا مسنون طریقہ

    یونیکوڈ   ذکر دعاء اور درود 1
  • حضورﷺ درود وسلام براہِ راست سننے کا عقیدہ رکھنا

    یونیکوڈ   ذکر دعاء اور درود 0
  • جمعرات کے دن چالیس مرتبہ اجتماعی درود کا اہتمام کرنا

    یونیکوڈ   ذکر دعاء اور درود 0
  • تسبیح فاطمی صرف دائیں ہاتھ پر پڑھنی ہے یا بائیں ہاتھ پر بھی پڑھ سکتے ہیں؟

    یونیکوڈ   انگلش   ذکر دعاء اور درود 1
  • اذان کے بعد کی دعا بآواز بلند پڑھنا

    یونیکوڈ   ذکر دعاء اور درود 0
  • برص کی بیماری سے نجات کیلئے پڑھنے کی دعاء

    یونیکوڈ   ذکر دعاء اور درود 1
  • کلمہ طیبہ کے ساتھ ’’صلی اللہ علیہ وسلم ‘‘ کا اضافہ کرنا

    یونیکوڈ   ذکر دعاء اور درود 0
  • روضہ مبارک کو بوسہ دینا اور پاس کھڑے ہوکر درود پڑہنا

    یونیکوڈ   ذکر دعاء اور درود 0
  • کیا ہاتھ اُٹھا کر دعا کرنا ثابت ہے؟

    یونیکوڈ   ذکر دعاء اور درود 0
  • پریشانی اور بدخوابی کا علاج

    یونیکوڈ   ذکر دعاء اور درود 0
Related Topics متعلقه موضوعات