قربانی کرنے والا اپنے ناخن اور بال کب کاٹے؟
واضح ہو کہ قربانی کرنے والے افراد کے لئے مستحب یہ ہے کہ ذوالحجہ کا چاند نظر آنے سے لیکر قربانی کرنے تک اپنے ناخن اور جسم کے بال نہ کاٹیں، اگر ناخن وغیرہ کاٹنے بھی ہوں تو یکم ذوالحجہ کا چاند نظر آنے سے پہلے ہی کاٹ لیے جائیں، تاہم اگر کوئی شخص چاند نظر آنے کے بعد ناخن وغیرہ کاٹ لے تب بھی کوئی حرج نہیں۔
کما فی صحیح مسلم: سمع سعيد بن المسيب، يحدث عن أم سلمة، أن النبي صلى الله عليه وسلم قال: «إذا دخلت العشر، وأراد أحدكم أن يضحي، فلا يمس من شعره وبشره شيئا» (ج۳، ص۱۵۶۵، کتاب الاضاحی، ط۔دار احیاء)۔
و فی سنن النسائی: عن أم سلمة، عن النبي صلى الله عليه وسلم قال: «من رأى هلال ذي الحجة، فأراد أن يضحي، فلا يأخذ من شعره، ولا من أظفاره حتى يضحي» (ج۷، ص۲۱۱، کتاب الضحایا، ط۔مکتب المطبوعات الاسلامیہ)۔