درود اور سلام کو ایک ساتھ جمع کرکے پڑھنے کا حکم

السلام علیکم ورحمۃ اللہ وبرکاتہ
مؤلفة
قط الاقطاب بام ربانی حضرت شیخ الحدیث مولانا محمد زكريا صحاب کاندھلوی مہاجر مدنی قدس سره متوفی الله
فضائل درود شریف کے فهرست ۴۲ میں لکھتے ہیں
سنتا ہوں ۔ اسی طرح بہت سی روایات میں مضمون آیا ہے اس لئے بندہ کے خیال میں اگر ہر جگہ درود و سلام دونوں کو جمع کیا جائے تو زیادہ بہتر ہے۔ یعنی بجائے السّلامُ عَلَيْكَ يَا رَسُولَ اللهِ السَّلَامُ عَلَيْكَ يَا نَبِي الله وغیرہ کے الصَّلُوةُ وَالسَّلَامُ عَلَيْكَ يَا رَسُولَ اللَّهِ الصَّلَوةُ وَالسَّلَامُ عَلَيْكَ يا نبي الله ۔ اسی طرح اخیر تک السلام کے ساتھ الصلوة کا لفظ بھی بڑھا دے تو تو زیادہ ا اچھا ہے۔ ۔ اس صورت میں میں علامہ باجی اور علامہ سخاوی دونوں کے قول پر عمل ہو جائے گا۔
اس می لکھا ہے ہر جگہ دورود و سلام دونوں کو جمع کیا جائے تو زیادہ بہتر ہے
الصَّلُوةُ وَالسَّلَامُ عَلَيْكَ يَا رَسُولَ اللَّهِ الصَّلَوةُ وَالسَّلَامُ عَلَيْكَ يا نبي الله ۔ کہنا نا جائز ہے تو ہر جگہ کیو پڑنا بہتر ہوا؟

الجوابُ حامِدا ًو مُصلیِّا ً

واضح ہو کہ "الصلوۃ والسلام علیک یا رسول اللہ" کہنا مطلقا ناجائز نہیں اگر اس نیت سے پڑھے کہ رسول اللہﷺ ہر جگہ حاضر ناظر ہے تو اس نیت سے پڑھنا بلا شبہ ناجائز اور شرک ہے جسکی قرآن وحدیث میں جابجا ممانعت آئی ہے اور اگر صرف عشق ومحبت میں پڑھے یا اس نیت سے کہ ملائکہ میرے اس درود کو رسول اللہ ﷺ تک پہنچائیں گے تو ایسی نیت کے ساتھ پڑھنا درست ہے تاھم موجودہ دور میں یہ اھل بدعت کا شعار بن چکا ہے اس لئے اسطرح کے الفاظ کہنے سے تشبہ بالمبتدعین ہے اس سے احتراز لازم ہے جبکہ شیخ الحدیث مولانا زکریا ؒنے اپنی کتاب فضائل درود میں جو صلوۃ اور سلام کو ایک ساتھ جمع کرنے کا تذکرہ فرمایا ہے وہ بحث اس صورت سے متعلق ہے کہ جب انسان روضہ اقدس کے پاس حاضر ہوکر حضورﷺ پر سلا م پیش کرتاہے، اس سلام سے متعلق علماء کی دورائے ہیں کہ بعض حضرات سلام پیش کرتے وقت "سلام" کے الفاظ کے ذریعہ مثلاً "السلام علیک" سے سلام پیش کرنے کو زیادہ بہتر کہتے ہیں ، اوربعض علماء "الصلوۃ علیک یا رسول اللہ " کے الفاظ کے ذریعہ سلام پیش کرنے کو ترجیح دیتے ہیں ، اس لیے صاحب کتاب کہتے ہیں کہ دونوں صیغوں کو ہی سلام پیش کرتے وقت جمع کردیا جائے، تویہ زیادہ بہتر ہوگا کہ دونوں قولوں پر عمل ہوجائے گا ، اس سے عا م درود کے اندر صلوۃ اور سلام کو جمع کر نا مراد نہیں ، اس لیےسائل کو شبہ نہ ہونا چاہیے ۔ (ملاحظہ ہوکتاب "فضائل درود شریف،ص: 36تا 40)

مأخَذُ الفَتوی

كمافي مشكاة المصابيح: عن أبي هريرة رضي الله عنه قال: قال رسول الله صلى الله عليه وسلم: «‌من ‌صلى ‌علي ‌عند قبري سمعته ومن صلى علي نائيا أبلغته»(باب الصلوة على النبي،رقم الحديث:٩٣٤)
وفيه ايضا : وعن ابن مسعود قال: قال رسول الله صلى الله عليه وسلم: «إن لله ملائكة ‌سياحين ‌في ‌الأرض يبلغوني من أمتي السلام»(كتاب الصلاة علي النبي،رقم الحديث :٩٢٤)
وفي مرقاة المفاتيح: إن لله ملائكة» ") ، أي: جماعة منهم (" ‌سياحين ‌في ‌الأرض ") ، أي: سيارين بكثرة في ساحة الأرض (الى قوله) أي: يوصلون (" من أمتي السلام ") : إذا سلموا علي قليلا أو كثيرا، وهذا مخصوص بمن بعد عن حضرة مرقده المنور ومضجعه المطهر،(كتاب الصلاة على النبي،ج:٣،ص:١٢،مط:حقانية)