کسی عذر کی وجہ سے مسجد سے باہر نماز پڑھنے کاحکم

مسجد پر چھت نہ ہونے کی صورت میں سردی کی وجہ سے باہر بیٹھک میں نماز پڑھنا شرعاً کیسا ہے؟

الجوابُ حامِدا ًو مُصلیِّا ً

صورتِ مسئولہ میں اگر مسجد پر مستقل چھت موجود نہ ہو اور سردی یا موسمی شدت کی وجہ سے مسجد کے اندر نماز پڑھنا باعثِ مشقت ہو، تو اگرچہ مسجد سے باہر بیٹھک یا صحن وغیرہ میں ضرورت کے تحت نمازپڑھنے کی گنجائش ہوگی، البتہ اس صورت میں مسجدمیں نمازپڑھنے کی فضیلت اوراجروثواب حاصل نہ ہوگا،لہٰذامسجدکی جماعت کوترک کرکے کسی دوسری جگہ جماعت کااہتمام کرنے کی بجائے عارضی طور پر ٹین، ترپال یا کسی مناسب چیز سے مسجد کے اندر ہی چھت کا انتظام کر کے نماز ادا کرنا بہتر اور اولیٰ ہے، کیونکہ مردوں کے لیے مسجد کے اندربا جماعت نماز کا اہتمام کرناسنت مؤکدہ قریب باواجب ہے۔لہٰذا انتظامیہ اور نمازیوں کوچاہیےکہ ممکن حد تک مسجد کے اندر عارضی چھت کا انتظام کر کے وہاں نماز قائم کریں، تاکہ مسجد کی فضیلت اور جماعت کا مکمل اہتمام باقی رہے۔

مأخَذُ الفَتوی

کما فی غنیۃ المستملی: (وإن صلی) أحد (في بیتہ بالجماعة) حصل لھم ثوابھا وأدرکوا فضلھا، ولکن (لم ینالوا فضل الجماعة) التي تکون (فی المسجد) لزیادة فضیلة المسجد و تکثیر جماعتہ وإظھار شعائر الإسلام، (وھکذا فی المکتوبات) أي: الفرائض لو صلی جماعة فی البیت علی ھیئة الجماعة فی المسجد نالوا فضیلة الجماعة، وھی المضاعفة بسبع وعشرین درجة، لکن لم ینالوا فضیلة الجماعة الکائنة فی المسجد،فالحاصل أن کل ما شرع فیہ الجماعة فالمسجد فیہ أفضل لما اشتمل علیہ من شرف المکان وإظھار الشعائر وتکثیر سواد المسلمین وائتلاف قلوبھم۔ وینبغي أن یقید ھذا بما إذا تساوت الجماعتان فی استکمال السنن والآداب إلخ۔ (ص: 402، ط: المکتبة الأشرفیة، دیوبند)۔