مسائل قربانی
قربانی واجب ہونے کیلئے کتنے پیسے ہونا ضروری ہے؟
فتوی نمبر : 95117
قربانی واجب ہونے کیلئے کتنے پیسے ہونا ضروری ہے؟
عبادات / قربانی و ذبیحہ / مسائل قربانی
قربانی واجب ہونے کیلئے کتنے پیسے ہونا ضروری ہے؟
سال 2026 میں قربانی کے لیے کتنے پیسے ہونے چاہئیں؟
الجوابُ حامِدا ًو مُصلیِّا ً
قربانی ہر اُس شخص پر واجب ہے جس پر صدقۂ فطر واجب ہوتا ہے۔ یعنی جس کی ملکیت میں قربانی کے دنوں میں ساڑھے سات تولہ سونا، یا ساڑھے باون تولہ چاندی، یا اتنی مالیت کی نقد رقم یا مالِ تجارت یا ضرورت سے زائد سامان موجود ہو، نیز اگر یہ چیزیں الگ الگ نصاب کے برابر نہ ہوں، لیکن سونا، چاندی، نقدی، مالِ تجارت اور ضرورت سے زائد سامان(جس کی عام طور پر سال بھر ضرورت پیش نہیں آتی)، ان سب کی مجموعی مالیت چاندی کے نصاب، یعنی ساڑھے باون تولہ چاندی کی قیمت کے برابر یا اس سے زیادہ ہوجائے، تو ایسے شخص پر شرعاً قربانی واجب ہوگی،جبکہ چاندی کی قیمتوں میں وقتاً فوقتاً اتار چڑھاؤ رہتاہے، اس لئے پیسوں میں نصاب کی کوئی خاص مقدار متعین نہیں کی جاسکتی،تاہم عید کے ایام میں چاندی کی قیمت معلوم کرکے پیسوں میں نصاب کی مالیت معلوم کی جاسکتی ہے۔
مأخَذُ الفَتوی
الفتاوى الهندية:
(وأما) (شرائط الوجوب) : منها اليسار وهو ما يتعلق به وجوب صدقة الفطر دون ما يتعلق به وجوب الزكاة، وأما البلوغ والعقل فليسا بشرط حتى لو كان للصغير مال يضحي عنه أبوه أو وصيه من ماله۔ج:5،ص292 - - الباب الأول في تفسير الأضحية وركنها وصفتها وشرائطها وحكمها -
عرفان اللہ حبیب عُفی عنه
دار الافتاء جامعه بنوریه عالمیه
فتوی نمبر 95117کی تصدیق کریں
Related Fatawa متعلقه فتاوی
Related Topics متعلقه موضوعات
-
129مسائل قربانیRules for the Secrifice
-
23احکام ذبحRules of Slaughter
-
1شفاعتIntercession