جانور کی زیبائش کا سامان مثلاً مہرہ، ہار وغیرہ قربانی ہوتے وقت اگلے سال کے لیے رکھنا جائز ہے؟
قربانی کے جانور کو خریدتے وقت جو ہار، گھنگرو، تاج اور رسی وغیرہ جانور کے ساتھ آئے ہوں، ان کا صدقہ کرنا مستحب ہے، البتہ اگر انہیں فروخت کر دیا جائے تو ان کی قیمت صدقہ کرنا واجب ہے، لیکن جو اشیاء مالک نے بعد میں جانور کے لیے الگ سے خریدی ہوں ان کا حکم یہ ہے کہ ان کو صدقہ کرنا ضروری نہیں، بلکہ انہیں اپنے استعمال میں رکھنا یا آئندہ سال کے لیے محفوظ رکھنا جائز ہے۔
کما فی الھندیۃ: وإذا ذبحها تصدق بجلالها وقلائدها، كذا في السراجية.۔۔۔ ويتصدق بجلدها أو يعمل منه نحو غربال وجراب۔۔۔ فإن باع شيئا من ذلك بما ذكرنا نفذ عند أبي حنيفة ومحمد رحمهما الله تعالى، وعند أبي يوسف رحمه الله تعالى لا ينفذ ويتصدق بثمنه، كذا في البدائع. (300/5، ط: دارالفکر)