السلام علیکم! عبد المطلب جو کہ آپ ﷺ کے دادا ہیں اور ابو طالب جو کہ آپ ﷺ کے چچا ہیں، ان کے ساتھ آخرت میں کیا معاملہ کیا جائے گا؟ کیوں کہ وہ دونوں غیر مسلم تھے، کیا ان کے ساتھ دوسرے غیر مسلموں جیسا معاملہ کیا جائے گا ؟
ابو طالب سے متعلق مُعَذَّب ہونے اور ان کے عذاب میں تخفیف کا احادیثِ مبارکہ میں صراحۃً تذکرہ ملتا ہے، جبکہ عبد المطلب اہلِ فترہ میں سے ہے اور ان کے بارے میں سکوت اسلم ہے۔
ففی صحیح المسلم: عن ابن عباس ان رسول اللہ ﷺ قال اهون اهل النار عذابا ابو طالب وهو منتعل بنعلین یغلی منہما دماغه اه۔ (ج۱، ص۱۱۵)
وفی حاشية ابن عابدين: وبالجملة كما قال بعض المحققين: أنه لا ينبغي ذكر هذه المسألة إلا مع مزيد الأدب. وليست من المسائل التي يضر جهلها أو يسأل عنها في القبر أو في الموقف، فحفظ اللسان عن التكلم فيها إلا بخير أولى وأسلم اہ(3/ 185) واللہ سبحانه وتعالیٰ اعلم!