پرانے گھر میں نماز قصر کریں گے یا نہیں

ہم چار سال پہلے ایبٹ آباد شفٹ ہوگئے ہیں بیٹے کی تعلیم کے لیے، کوہاٹ میں ہمارا اپنا گھر ہے ہم تین یا چار مہینے بعد پانچ، چھ دن کے لیے جاتے ہیں، تو وہاں قصر نماز پڑھیں یا نہیں؟ میرے شوہر مہینہ کے بیس دن وہاں ہوتے ہیں اور دس دن ہمارے ساتھ ایبٹ آباد میں۔

الجوابُ حامِدا ًو مُصلیِّا ً

صورت مسئولہ میں جب سائلہ کے شوہر اپنے اہل وعیال کو محض تعلیمی مقاصد کی خاطر ایبٹ آباد لائے ہیں اور کوہاٹ کو کلی طور پر ترک کر کے ایبٹ آباد کو مستقل طور پر اپنا وطن بنانے کی نیت نہیں کی ہے،جیسا کہ سوال میں درج صورتحال سے بھی معلوم ہو رہا ہے تو اس صورت میں ایبٹ آباد اس کے لیے اور اس کے اہل وعیال کے لیے وطن اقامت ہے اور اقامت کی بناء پر پوری نماز پڑھنی ہوگی، جبکہ کوہاٹ وطن اصلی ہے اور وطن اصلی ہونے کی وجہ سے وہاں پر پورا خاندان مکمل نماز پڑھیں گے۔

مأخَذُ الفَتوی

ففی بدائع الصنائع: والوطن الأصلی ینتقص بمثلہ لا غیر وھو أن یتوطن الإنسان فی بلدۃ اخری وینقل الأھل إلیہا من بلدۃ فیخرج الاول من أن یکون وطنا أصلیاً لہ حتی لو دخل فیہ مسافراً لا تصیر صلوتہ أربعا اھ (۱/۴۹۸)
وفی الفتاوى الهندية: ويبطل الوطن الأصلي بالوطن الأصلي إذا انتقل عن الأول بأهله وأما إذا لم ينتقل بأهله ولكنه استحدث أهلا ببلدة أخرى فلا يبطل وطنه الأول ويتم فيهما ولا يبطل الوطن الأصلي بإنشاء السفر وبوطن الإقامة ووطن الإقامة يبطل بوطن الإقامة وبإنشاء السفر وبالوطن الأصلي.(1/ 142) واللہ أعلم بالصواب!