ملازمت کے شہر میں ایک بار اقامت کی نیت کے بعد وہاں کم قیام کرنے کے وقت قصر لازم ہوگا؟

نماز قصر کا پو چھنا ہے، نوکری کے سلسلے میں گجرات سے راولپنڈی آیا ہوں، فیملی گجرات میں ہی ہے،کبھی9 دن بعد اور کبھی 20 دن بعد گجرات جانا ہوتا ہے، 9 دن کی صورت میں اور 20 دن کی صورت میں نماز کیسے ادا کریں؟

الجوابُ حامِدا ًو مُصلیِّا ً

سائل جب ایک دفعہ کے راولپنڈی میں پندرہ دن یا اس سے زیادہ قیام کرنے کا ارادہ کرے ،تو ایسی صورت میں وہ مقیم شمار ہوگا اور اسے پوری نماز پڑھنی لازم ہوگی ، پھر اس کے بعد جب تک اس کا رہائشی سازو سامان وغیرہ راولپنڈی میں ہو، اور وہاں سے اپنا قیام ختم کرنے کا ارادہ نہ ہو، تو ایسی صورت میں اگرچہ دوبارہ وہ پندرہ دن سے کم کا ارادہ کرے، تب بھی اسے وہاں پوری نماز پڑھنی لازم ہوگی ، البتہ راولپنڈی اور گجرات آتے جاتے راستہ میں قصر لازم ہوگا ۔

مأخَذُ الفَتوی

كما في الهندية: عبارة عامة المشايخ أن الأوطان ثلاثة إلى قوله ) ووطن سفر وقد سمي وطن اقامة وهو البلد الذي ينوي المسافر الاقامة فيه خمسة عشر يوما أو أكثر (إلى قوله) ووطن الاقامة يبطل بوطن الاقامة و بانشاء السفر وبالوطن الاصلي هكذا في التبيين اھ (١/ ١٤٢)
وفي البحر تحت قوله: ( ويبطل الوطن الاصلي بمثله لا السفر ووطن الاقامة بمثله والسفر و الاصلي) لأن الشيء (الی قوله ) وفي المحيط : ولو كان له أهل بالكوفة وأهل بالبصرة فمات أهلہ بالبصرةوبقی لہ دور و عقار بالبصرۃ ، قيل : البصرة لا تبقى وطنا له ( الى قوله ) وقيل : تبقى وطناً لأنها كانت وطنا له بالأهل والدار جميعا، فبزوال أحدهما لا يرتفع الوطن كوطن الاقامة تبقى ببقاء الثقل و إن أقام بموضع آخر - (1 /392) –