وطن اقامت میں نمازکاحکم

السلام علیکم! حضرت میں ایک پٹرول پمپ پر کام کرتا ہوں، وہاں پر میں کبھی کم اور کبھی زیادہ دن قیام کرتا ہوں، تنخواہ میرا مہینے کے حساب سے ہے، خواہ وہاں پر ایک دن رہوں یا ۳۰ دن تنخواہ پوری ملتی ہے ، اور میرا سامان اور کپڑے بھی وہی پڑے ہوتے ہیں، اب میرا سوال یہ ہے کہ اگر میرا وہاں قیام کا ارادہ ۱۵ دن سے کم ہو ،تو میں نماز پوری پڑوں گا یا سفرانہ ؟

الجوابُ حامِدا ًو مُصلیِّا ً

سائل جس پٹرول پمپ پر کام کر رہا ہے، اگر وہ سائل کے گاؤں یا شہر کے حدود سے مسافت سفر ۷۷ کلومیٹر ،یا اس سے دور ہو ،اور سائل اس ملازمت کی جگہ ایک مرتبہ بھی پندرہ دن یا اس سے زیادہ ٹھہر چکا ہو ، یا وہاں ٹھہرنے کا ارادہ کر چکا ہو ، اور سائل کی ضرورت اور سامان وغیرہ بھی وہاں ہو ، تو اس صورت میں سائل جب بھی ملازمت کی جگہ جائے، اگرچہ ایک دو دن کے لیے ہی کیوں نہ ہو، پوری نماز پڑھےگا، ورنہ پندرہ دن سے کم ٹھہرنے کی صورت میں اپنی انفرادی نماز قصر کرکے پڑھے گا۔

مأخَذُ الفَتوی

ففی الفتاوى الهندية: أقل مسافة تتغير فيها الأحكام مسيرة ثلاثة أيام، كذا في التبيين، هو الصحيح، كذا في جواهر الأخلاطي الأحكام التي تتغير بالسفر هي قصر الصلاة واباحة الفطر اھ (1/ 138)
وفی الفتاوى الهندية: وفرض المسافر في الرباعية ركعتان، كذا في الهداية، والقصر واجب عندنا، كذا في الخلاصة اھ (1/ 139)
وفیها ایضاً: ولا يزال على حكم السفر حتى ينوي الإقامة في بلدة أو قرية خمسة عشر يوما أو أكثر، كذا في الهداية هذا إذا سار ثلاثة أيام أما إذا لم يسر ثلاثة أيام فعزم على الرجوع أو نوى الإقامة يصير مقيما وإن كان في المفازة اھ (1/ 139) واللہ أعلم بالصواب!