Centrum and Omega 3 - سینٹرم اور اومیگا کیپسول استعمال کرنے کا حکم

السلام علیکم مفتی صاحب! سینڑم ٹیبلٹ (ملٹی وٹامن )کی گولی ہے اسے استعمال کرنا کیسا ہے؟ شریعت کی روشنی میں جواب عنایت فرمائیں۔ اور advance multi vitamin omega 3 کا شرعی حکم بھی بتا دیجیے؟ شکریہ

الجوابُ حامِدا ًو مُصلیِّا ً

ہماری معلومات کےمطابق (۱) سینٹرم ملٹی وٹامن ٹیبلٹ دو طرح کی آتی ہیں، ایک وہ جس میں جیلیٹین ہوتی ہے، اور دوسری وہ جس میں جیلیٹین نہیں ہوتی ، جو سینٹرم جیلیٹین فری ہوتی ہے وہ حلال ہے اور اس کا استعمال جائز ہے اور جس سینٹرم میں جیلیٹین ہوتی ہے، اگر معلوم ہو جائے کہ وہ حلال جانور سے حاصل شدہ ہے تو پھر حلال ہے، البتہ حرام جانوروں سے حاصل شدہ جیلیٹین حلال نہیں۔
(۲)۔ اومیگا تھری (omaga3) مچھلی، خشک میوہ جات اور پودوں سے حاصل ہوتا ہے، لہٰذا یہ حلال ہے، لیکن بسا اوقات جس کیپسول میں ڈالا جاتا ہے ، اس میں جیلیٹین شامل کیا جاتا ہے ، لہٰذا اس میں بھی یہ تفصیل ہوگی، اگر حلال جانور کو شرعی طریقے پر ذبح کر کے یہ جیلٹین حاصل کیا گیا ہو تو حلال ہے ، ورنہ نہیں۔

مأخَذُ الفَتوی

کما فی حاشیۃ البجیرمی علی الخطیر:و لایحل اکلہ ای جلد المیتۃ المدبوغ اما جلد المذکی بعد دبغہ فیجوز اکلہ مالم ۔۔۔۔ ذھب الفقھاء الی ان الحیوان الماکول المذکی یؤکل جلدہ قبل الدبغ مالم ۔۔۔۔۔۔۔۔۔۔۔جنسا آخر غیر اللحم لان الذکاۃ تحل لحمہ و جلدہ و سائر مایجوز ۔۔۔۔۔۔۔۔۔۔۔الذی مات او ذکی ذکاۃ غیر شرعیۃ فان جلدہ قبل دبغہ لایؤکل الخ (۔۔/144) واللہ اعلم بالصواب