شیعہ میاں بیوی میں سے بیوی سنی ہوجائے تو نکاح قائم رہتاہے؟

جناب اگر شیعہ لڑکا اور لڑکی نکاح میں ہوں،اب ماشاء اللہ لڑکی سنی ہوگئی ہے اور لڑکا شیعہ ہی ہے،تو کیا ان کے نکاح میں کوئی فرق پڑے گا؟یا نکاح باقی ہے؟رہنمائی فرمائیں!

الجوابُ حامِدا ًو مُصلیِّا ً

مذکور شیعہ لڑکا اگر فرقہ اثنا عشریہ سے تعلق رکھتا ہو یا وہ حضرت علی رضی اللہ عنہ کو خدا مانتا ہو یا جبرئیل علیہ السلام کے وحی لانے میں غلطی کا قائل ہو یا حضرت ابو بکر صدیق رضی اللہ عنہ کی صحابیت سے انکار کرتا ہو یا حضرت عائشہ رضی اللہ عنہاپر لگنے والی تہمت کو درست مانتا ہو یا قرآن میں تحریف کا قائل ہو یا اس کے علاوہ کوئی صریح کفریہ عقیدہ رکھتا ہو تو یہ لڑکا اپنے ان عقائد کی وجہ سے دائرہ اسلام سے خارج ہے،اس کے لیے حکم یہ ہے کہ اس کو اسلام قبول کرنے کی دعوت دی جائے گی،اگر وہ اپنے کفریہ عقائد سے تائب ہوکر اسلام قبول کرلے تو ان کا نکاح بدستور برقرار رہے گا اور اگر اسلام قبول کرنے سے انکار کرے یا سکوت اختیار کرے تو قاضی ان کا نکاح فسخ کردے گا اور ان کے درمیان تفریق کردی جائے گی اور عدت کے بعد لڑکی کسی دوسرے سنی العقیدہ مسلمان کے ساتھ عقدِ نکاح کرنے میں آزاد ہوگی،اگر مذکور لڑکا کسی قسم کے کفریہ عقائد کا حامل نہ ہو بلکہ محض"تبرأ"کرتا ہو یا حضرت علی رضی اللہ عنہ کی افضلیت کا قائل ہو تو وہ اگرچہ فاسق اور بدعتی ہے،مگر اس پر کفر کا حکم نہیں لگایا جاسکتا،اس لیے نکاح بدستور برقرار رہے گا،ہاں اگر عورت اس کے پاس رہنے پر رضامند نہ ہو تو حقِ مہر کے عوض اس سے خلع لے کر علیحدگی حاصل کرسکتی ہے۔

مأخَذُ الفَتوی

کما فی الدر المختار: (وإذا) (أسلم أحد الزوجين المجوسيين أو امرأة الكتابي عرض الإسلام على الآخر، فإن أسلم) فيها (وإلا) بأن أبىأو سكت (فرق بينهما، ولو كان) الزوج (صبيا مميزا) اتفاقا على الأصح (والصبية كالصبي) فيما ذكر والأصل أن كل من صح منه الإسلام إذا أتى به صح منه الإباء إذا عرض عليه۔ اھ(3/ 188)
وفی رد المحتار: وبهذا ظهر أن الرافضي إن كان ممن يعتقد الألوهية في علي، أو أن جبريل غلط في الوحي، أو كان ينكر صحبة الصديق، أو يقذف السيدة الصديقة فهو كافر لمخالفته القواطع المعلومة من الدين بالضرورة، بخلاف ما إذا كان يفضل عليا أو يسب الصحابة فإنه مبتدع لا كافر كما أوضحته في كتابي تنبيه الولاة والحكام عامة أحكام شاتم خير الأنام أو أحد الصحابة الكرام عليه وعليهم الصلاة والسلام۔ اھ (3/ 46)