وطن اصلی اور وطن اقامت کی پہچان

السلام علیکم ، میں گلگت بلتستان سے یہ سوال پوچھ رہا ہوں،میرا سوال نماز قصر اور وطن اصلی کے بارے میں ہے، میری فیملی میں 17 لوگ ہیں ،ان میں سے میری امی ، ابو ، ایک بھائی اور ایک بہن میرے گاؤں میں رہتے ہیں، باقی 6 بھائی، 5 بہنیں اور دادی گلگت شہر میں رہتے ہیں، جبکہ میں چلاس شہر میں نوکری کرتا ہوں اور و ہیں پہ ہی رہائش پذیر ہوں، اب سوال یہ ہے کہ گلگت شہر میں جہاں میرے بہن بھائی رہتے ہیں، ا گر میں ان کے پاس جا تا ہوں ، 15 دن سے کم رہنے کی نیت سے ، تو کیا میں نماز قصر پڑھ سکتا ہوں کہ نہیں؟ اور یہ بھی بتا د یں کہ جن 3جگہوں کو میں نے ذ کر کیا ہے ان میں سے میرا وطن اصلی کون سا ہے ۔

الجوابُ حامِدا ًو مُصلیِّا ً

صورت مسئولہ میں ا گر سائل چلاس شہر میں اپنے اہل و عیال کے ہمراہ رہائش پذیر ہو ،اور سائل نے آبائی گاؤں کو مستقل طور پر چھوڑ کر چلاس شہر میں مستقل رہنے کا پختہ عزم و ارادہ نہ کیا ہو ،تو ا یسی صورت میں چلاس شہر سائل کا وطن اصلی شمار نہ ہو گا ،بلکہ وطن ا قامت شمار ہو گا اس لئے ان دونوں جگہوں میں سائل کو پوری نماز پڑھنی لازم ہو گی ،جبکہ گلگت شہر میں ا گر فقط سائل کے بہن بھائی رہائش پذیر ہوں وہ سائل کا آبائی شہر نہ ہو تو یہ شہر سائل کا وطن اصلی شمار نہ ہوگا ،بلکہ سائل ا گر پندرہ دن سے کم کی نیت کر کے اس شہر میں ٹھہر تا ہے تو ا یسی صورت میں سائل کے ذمہ ا پنی ا نفرادی نماز وں میں قصر کرنا لازم ہو گا ۔

مأخَذُ الفَتوی

فی فتاوی الھندیۃ : ووطن سفر و قد سمی وطن اقامۃ وھوالبلد الذی ینوی المسافر الاقامۃ فیہ خمسۃ عشر یوماً او اکثر الخ (1/142)۔
و فی البحر الرائق : والوطن الأصلي هو وطن الإنسان في بلدته أو بلدة أخرى ا تخذها دارا و توطن بها مع أهله و ولده، و ليس من قصده الارتحال عنها بل التعيش بها اھ (2/136)۔
و فیہ ایضاً :ثم قال و هذا جواب واقعة ابتلينا بهاوكثير من المسلمين المتوطنين في البلاد، و لهم دور و عقار في القرى البعيدة منها يصيفون بها بأهلهم و متاعهم فلا بد من حفظها أنهما وطنان له لا يبطل أحدهما بالآخر اھ (2/136)۔