قصر نماز سے متعلق حکم

میں لاہور میں پچھلے پندرہ سال سے مقیم ہوں،یہاں لاہور میں ہی تعلیم ،ملازمت ،اپنا گھر، اور میری ساری فیملی ہے، میرے چند رشتہ دار بھی یہاں لاہور میں مقیم ہیں اور آئندہ لاہور ہی میں رہنے کا ارادہ بھی ہے،جبکہ میرا آبائی ،جدی وطن/ علاقہ تلہ گنگ کا ایک گاؤں ہے جہاں میرا سارا خاندان آباد ہے، وہاں ہمارا اپنا گھر بھی ہے، جس میں کوئی نہیں رہتا اور زرعی زمین بھی کچھ ہے جو کہ ہم کاشت نہیں کرتے نہ اس سے کوئی نفع وغیرہ حاصل کرتے ہیں، اب اگر میں اپنے گاؤں پندرہ دن سے کم رہنے کے ارادے سے جاؤں، تو کیا میں وہاں قصر نماز پڑھوں گا یا پوری؟ اور میرا وطن اصلی لاہور ہوگا یا میرا گاؤں ؟

الجوابُ حامِدا ًو مُصلیِّا ً

سائل اگر اپنا آبائی گاؤں چھوڑ کر مستقل طور پر اہل عیال کے ساتھ لاہور شہر میں رہائش پذیر ہو اور آئندہ بھی لاہور شہر میں ہی رہنے کا ارادہ ہو تو ایسی صورت میں اب لاہور شہر سائل کا و طن اصلی بن چکا ہے، اور سائل کے آبائی گاؤں کا وطن اصلی ہونا باطل ہوچکا ہے، لہذا گر سائل اپنے آبائی گاؤں پندرہ دن سے کم عرصے کی نیت و ارادے سے جائے گا تو ایسی صورت میں سائل وہاں مسافر شمار ہوگا اور انفرادی نماز وں میں اسے قصر کرنا لازم ہوگا۔

مأخَذُ الفَتوی

وفي الصحيح لمسلم : عن ابن عمر رضى الله عنه أنه قال: صحبت رسول الله صلى الله عليه وسلم والسفر فلم یزد على ركعتين حتى قبضه الله و صحبت ابا بكر فلم يزد علی رکعتین حتى قبضه الله و صحبت عمر فلم يزد على ركتين حتى قبضه الله ثم صحبت عثمان فلم یزد علی رکعتین حتی قبضه الله وصحبت عثمان فلم يزد علی رکعتین حتى قبضه الله وقد قال الله (لقد كان لكم في رسول الله أسوة حسنة. ( باب صلاة المسافرين وقصرها ، رقم: ۶۸۹ ، ص ٣٠٠ ، ط: مؤسسة الرسالة)۔
وفي تنوير الأبصار : من خرج من عمارة موضع إقامته قاصدا مسيرة ثلاثة أيام ولياليها بالسير الوسط مع الاستراحات المعتادة صلى الفرض الرباعى ركعتين ( باب صلاة المسافر، ج ۲، ص 121، ط : سعيد)
وفی الدر المختار: (الوطن الاصلی) ھو موطن ولادتہ او تاھلہ او تاطنہ (یبطل بمثلہ) اذا لم يبق له بالأول أهل ، فلو بقي لم يبطل بل يتم فيهما الخ ( باب صلاة المسافر ،ج ۲، ص ا ١٣ : سعید)-
وفي الفتاوى الهندية : ولا یزال على حکم السفر حتى ينوى الإقامة في بلدة أو قرية خمسة عشر يوما أو اکثروإن نوى أقل من ذلك قصر الخ (الباب الخامس عشر في صلاة المسافر، ج ۱ ص ۲۹۶ ، ط: رشيدية) ۔