حضرت! کیا H.B.F.C سے گھر کے لیے قرض لینا جائز ہے؟ میں گھر تعمیر کر رہا ہوں اور پیسے ختم ہو گئے ہیں۔ رشتہ داروں سے پہلے ہی قرض لے چکا ہوں، جبکہ گھر ابھی تکمیل کے مراحل میں ہے اور مجھے پیسوں کی شدید ضرورت ہے۔ والسلام
H.B.F.C ایک مالیاتی ادارہ ہے گھر کی تعمیر یا خریداری کے لئے سود پر قرض فراہم کرتا ہے ، جبکہ قرآن و حدیث میں سودی لین دین ( خواہ کسی بھی مقصد کے لئے ہو ) سے سختی کے ساتھ منع کیا گیا ہے، اس لئے بحیثیت مسلمان سائل پر لازم ہے کہ مذکور ادارے سے حصولِ قرض کے معاملے سے اجتناب کرے۔جبکہ بقیہ تعمیر کے میٹیریل کی خریداری کے لئےاگر کیش رقم کا انتظام ممکن نہ ہو تو کسی سے ادھار معاملہ کرکے یہ تعمیر مکمَّل کی جاسکتی ہے ۔
کما فی صحیح مسلم: عن جابر، قال: «لعن رسول الله صلى الله عليه وسلم آكل الربا، ومؤكله، وكاتبه، وشاهديه»، وقال: «هم سواء»". ( باب لعن آکل الربوٰ و موکلہ، ج:۳ ؍ ۱۲۱۹ ، ط:داراحیاءالتراث العربی)۔
و فی الشامیۃ: وفي الأشباه كل قرض جر نفعاً حرام. (قوله: كل قرض جر نفعاً حرام) أي إذا كان مشروطاً.(5/ 166)۔
قرض کی مدت پوری ہونے پر, قرضخواہ کا مقروض کے کاروبار میں, خود کو شریک سمجھ کر نفع کا مطالبہ کرنا
یونیکوڈ قرض 0