السلام علیکم ورحمۃ اللہ وبرکاتہ
آپ سے ایک مسئلہ عرض کرنا تھا، جس کا جواب قرآن و حدیث کی روشنی میں مطلوب ہے۔
سوال: ہندوستانی حکومت (Indian government) کے تحت؛
(۱): N.L.M. اسکیم (National Livestock Mission) اور
(۲): P.M.E.G.P. اسکیم (Prime Minister's Employment Generation Programme) کے تحت قرض (Lone) دیا جاتا ہے، یہ قرض (Lone) بکری پالن، مرغی پالن اور مچھلی پالن کے لئے دیا جاتا ہے، یہ قرض (Lone) امدادی قرض (Subsidy Lone) ہوتا ہے، اس میں؛
(۱): N.L.M. اسکیم کے تحت ۵۰ فیصد سبسڈی (Subsidy) اور
(۲): P.M.E.G.P. اسکیم کے تحت ۳۵ فیصد سبسڈی (Subsidy) ملتی ہے۔
اس قرض (Lone) میں ایسا ہوتا ہے کہ اگر کسی نے پچاس لاکھ کا قرض لیا، اور اس کو ۵۰ فیصد سبسڈی (یعنی رعایت) ملی، تو ۵۰ لاکھ میں ۲۵ لاکھ معاف ہو جائیں گے، مگر جو ۲۵ لاکھ جمع کرنا ہے، اس پر ۸ فیصد سود (Interest) لگے گا، یعنی ۲۵ لاکھ کے بجائے سود سمیت تقریباً ۳۳ لاکھ پانچ سال میں جمع کرنے ہوں گے، اور والے ۲۵ لاکھ روپے معاف ہو جائیں گے۔
کیا اس طرح کا قرض (Lone) لینا جائز ہے؟
صورتِ مسؤلہ میں مذکور اسکیموں کے تحت حکومت کی جانب سے دیے جانے والے قرض اور اس پر دی جانے والی سبسڈی کی مقدار اگر متعین ہو اور بینک اس سکیم کے تحت رقم دینے کے بعد واجب الوصول بقیہ رقم کی ادائیگی کے لیے دیے جانے والے وقت کے بدلے سود چارج کرتا ہوتو یہ معاملہ سعودی لین دین پر مشتمل ہونے کی وجہ سے شرعاً جائز نہیں، اس لیے ان اسکیموں سے فائدہ اٹھاناجائز نہ ہوگا۔
وفي بدائع الصنائع:(وأما) الذي يرجع إلى نفس القرض: فهو أن لا يكون فيه جر منفعة، فإن كان لم يجز، نحو ما إذا أقرضه دراهم غلة، على أن يرد عليه صحاحا، أو أقرضه وشرط شرطا له فيه منفعة؛ لما روي عن رسول الله صلى الله عليه وسلم أنه «نهى عن قرض جر نفعا»؛ ولأن الزيادة المشروطة تشبه الربا؛ لأنها فضل لا يقابله عوض، والتحرز عن حقيقة الربا، وعن شبهة الربا واجب هذا إذا كانت الزيادة مشروطة في القرض. [كتاب القرض، فصل في شرائط ركن القرض (7/ 395) ط: دار الكتب العلمية]
قرض کی مدت پوری ہونے پر, قرضخواہ کا مقروض کے کاروبار میں, خود کو شریک سمجھ کر نفع کا مطالبہ کرنا
یونیکوڈ قرض 0