شیعہ کافر ہے یا نہیں؟

میں آپ سے یہ پوچھنا چاہتاہوں کہ شیعہ کافر ہے یا نہیں؟ کیونکہ میں نے ایک امام سے سناہے کہ شیعہ کافر ہے خاص کر علی شیر حیدری صاحب سے میں نے ایک ویڈیو میں خود سناہے کہ مولانا صاحب قرآن پر ہاتھ رکھ کر قسم کھاتا ہے کہ شیعہ کافر ہے آپ کی کیا رائے ہے میرا تو بھی یہی خیال ہے کہ شیعہ کافر ہے برائے مہربانی جواب دے میں آپ کا شکر گزار ہوں گا۔

الجوابُ حامِدا ًو مُصلیِّا ً

شیعہ کے مختلف فرقے ہیں اور ہر فرقے کے عقائد مختلف ہیں، اس لیے شیعہ کو کافر قرار دینے میں تفصیل ہے وہ یہ ہے کہ جس شیعہ کے عقائد ونظریات یہ ہوں مثلاً حضرت علیؓ کو خدا مانتا ہو یا قرآن میں تحریف کا قائل ہو یا حضرت جبرائیل علیہ السلام کی وحی لانے میں غلطی کرنے کا عقیدہ رکھتاہو یا حضرت عائشہؓ پر لگائی جانے والی تہمت کو سچا مانتاہو یا حضرت ابوبکر صدیقؓ کی صحابیت کا منکر ہو یا اس قسم کا کوئی اور مخالفِ قرآن صریح کفریہ عقیدہ رکھتاہو تو بلاشبہ کافر ہے، البتہ جو شیعہ کسی قسم کا کوئی صریح کفریہ عقیدہ نہ رکھتا ہو، لیکن صحابہ کرام رضی اللہ عنہم اجمعین کو برا بھلا کہتاہو یا تبرا بازی وغیرہ کرتا ہو تو ایسے شیعہ کے کفر میں اختلاف ہے اور جو شیعہ حضرت علیؓ کو خلفاء ثلاثہ پر فضیلت دیتا ہو وہ اگرچہ کافر تو نہیں، مگر فاسق وفاجر ضرور ہے، البتہ ان کے ساتھ معاملات رکھنے کی گنجائش ہے، مگر اس سے بھی احتراز بہر حال بہتر ہے۔

مأخَذُ الفَتوی

وفي حاشية ابن عابدین: نعم لا شك في تكفير من قذف السيدة عائشة - رضي الله تعالى عنها - أو أنكر صحبة الصديق، أو اعتقد الألوهية في علي أو أن جبريل غلط في الوحي، أو نحو ذلك من الكفر الصريح المخالف للقرآن اھ (۴/۲۳۷)۔
وفیه ٲیضا: أن الرافضي إذا كان يسب الشيخين ويلعنهما فهو كافر، وإن كان يفضل عليا عليهما فهو مبتدع (ٳلی قولہ) وسب أحد من الصحابة وبغضه لا يكون كفرا اھ (۴/۲۳۷) واللہ أعلم بالصواب!