بے وضو شخص کیلئے موبائل پر تلاوتِ قرآن مجید کا حکم

السلام علیکم ! آج کل اسمارٹ فون اور ٹیبلٹ کا چلن عام طور پر ہے ، روز مرہ ضرورت کے لحاظ سے اس میں سافٹ ویئر رکھتے ہیں ، سوال یہ ہے کہ اس میں قرآن ودیگر دینی کتب بھی رکھ سکتے ہیں؟
قرآن مجید اس میں ہے تو بے وضو چھو سکتے ہیں یا نہیں؟ اگر وضو ضروری ہے تو صرف سافٹ ویئر کھلا ہونے کی صورت میں یا ہر وقت موبائل کو چھونے کے لئے؟ جیب میں رکھ کر بیت الخلا میں جاسکتے ہیں یا نہیں؟
براہِ مہربانی ان سوالوں کا تسلی بخش جواب مرحمت فرمائیں؟

الجوابُ حامِدا ًو مُصلیِّا ً

موبائل میں قرآن اور دیگر کتبِ دینیہ رکھنا ، نیز بغیر چھوئے قرآن کریم کو اسکرین پر دیکھ کر پڑھنے میں کوئی حرج نہیں ، البتہ قرآنی آیات اسکرین پر آرہی ہوں تو بے وضو ہونے کی حالت میں اسکرین پر ہاتھ لگانا جائز نہیں ، جبکہ بیت الخلاء جاتے وقت فون کی اسکرین کو بند کرکے جیب میں رکھ کرلیجایا جاسکتا ہے۔

مأخَذُ الفَتوی

کما فی رد المحتار : تحت (قوله : و مسه) أی القرآن ولو فی لوح أو درھم أو حائط لکن لایصنع الا من مس المکتوب اھ(1/293)۔
و فیه أیضا : (قوله : أو اسم اللہ تعالیٰ) فلو نقش اسمه تعالیٰ أو اسم نبیه ۔صلی اللہ علیه وسلم۔استحب أن یجعل الفص فی کمه اذا دخل الخلاء اھ (6/361)۔
و فی الفتاوی الھندیة : (و منها) حرمة مس المصحف لا يجوز لهما و للجنب و المحدث مس المصحف إلا بغلاف متجاف عنه و لا يجوز مس شيء مكتوب فيه شيء من القرآن في لوح أو دراهم أو غير ذلك إذا كان آية تامة ، هكذا في الجوهرة النيرة اھ (1/38)۔