اسلام 360 ایپ کے استعمال کا حکم

میرا سوال یہ ہے کہ کیافرماتے ہیں علماء کرام اس بارے میں، کہ قرآن پاک یا دینی مسائل لکھنے کے لئے " اسلام 360" ایپ استعمال کی جائے، جزاکم اللہ خیراً

الجوابُ حامِدا ًو مُصلیِّا ً

" اسلام 360" ایپ مجموعی اعتبار سے ایک لائق تحسین اور قابل تقلید عمل ہے، اگر اس طرز پر کسی مستند ادارہ یا افراد کے زیر نگرانی صحیح خطوط پر کام کیا جائے، تو قرآن و سنت کی علمی و عملی رہنمائی کے لیے بہتر ین کا کام دے سکتی ہے، لیکن زیر نظر سافٹ ویئر کا بنانے والا جناب زاہد حسین چھیپا صاحب چونکہ عالم نہیں اور انہوں نے محض ایک دینی جذبہ کے تحت اسے ترتیب دیا ہے، اگر چہ ان کا یہ جذبہ قابل قدر ہے، مگر اس میں بعض ایسی چیزیں شامل ہو گئی ہیں، جو کمزور پہلو کو لیے ہوئے ہیں، اور اہل سنت والجماعت کے اکثریتی مسلک سے مطابقت بھی نہیں رکھتی، خصوصا ملک خداداد پاکستان کی اکثر عوام کے لئے تشویش کا باعث بن رہی ہے، اس لیے اسے چاہیئے کے کسی مستند اور جید عالم دین کی زیر نگرانی نظر ثانی کے ذریعہ قابلِ اشکال امور کی تصحیح کے بعد اسے دوبارہ مرتب کرے، تا کہ یہ سافٹ ویئر متنازع بننے کے بجائے تمام مسلمانوں کے لیے یکساں مفید اور کارآمد ثابت ہو، اور جب تک اس پر نظر ثانی نہیں کی جاتی ، عام لوگوں خصوصاً مسلک حنفي سے تعلق رکھنے والے افراد کے لیے اس کے استعمال سے احتراز بہتر ہے۔ واللہ اعلم بالصواب