صرف کاغذات میں مکان بیوی کے نام کردینے سے, اس میں وراثت کا حکم

السلام علیکم !
ہمارے والد صاحب کا انتقال 2015 میں ہو گیا تھا اور انتقال سے پہلے ہی انہوں نے ہمارا جو موجودہ مکان ہے، وہ ہماری والدہ یعنی اپنی بیوی کے نام پر منتقل کروا دیا تھا اور ان کی ملکیت میں شامل کر دیا تھا ابھی ہماری والدہ الحمدللہ حیات سے اور ہوش و حواس سے ہیں, ان کے ہوش و حواس میں رہتے ہوئے کیا یہ مکان ہم تین بھائی اور ایک بہن سیل کر کے اس کی رقم آپس میں تقسیم کر سکتے ہیں وراثت کے طور پر؟ اور اگر تقسیم کر سکتے ہیں تو یہ تقسیم کرنے کی کیا شرعی حیثیت ہے اس سلسلے میں مجھے مسئلے کا حل پتہ کرنا ہے , مکان کو سیل کرنے کے لئے ہماری والدہ یا ان کےدستخط بہت ضروری ہیں اور وہ اس دستخط کرنے پہ راضی نہیں ہے ، اگر والدہ سے کسی نے کسی بھی طریقے سے دستخط کروایا تو بعد میں اس کا ذمہ دار کون ہوگا ؟ دستخط کروانے کا جو جرم ہوگا وہ کس کے اوپر ہوگا .

الجوابُ حامِدا ًو مُصلیِّا ً

سائل نے سوال میں اس بات کی وضاحت نہیں کی کہ سائل کے والدِمرحوم نے مذکو ر مکان اپنی بیوی (سائل کی والدہ ) کے فقط نام کروایا تھا، یا مرحوم نے اپنی زندگی میں یہ مکان ہبہ (اگفٹ)کرکے اس پر اسے باضابطہ مالکانہ قبضہ بھی دیدیاتھا ؟ تاکہ اس کے مطابق جواب دیاجاتا -
تاہم اگر سائل کے والدِمرحو م نے مذکور مکان سرکاری کاغذات میں اپنی بیوی کے نام کرانے کے ساتھ اسے یہ مکان باضابطہ مالکانہ قبضے کیساتھ دیدیا تھا توایسی صورت میں شرعاً سائل کی والدہ اس مکان کی مالک شمار ہوگی ، اب والدہ کی زندگی میں سائل یااس کے دوسرے بہن بھائیوں کیلئے والدہ کی اجازت کے بغیر اس مکان کو فروخت کردینا یا کسی طرح دھوکہ دہی اور جعلسازی سے والد ہ سے دستخط لیکر اسکی رضامندی کو ظاہرکرنا قطعاً جائز اور درست نہ ہوگا ، البتہ اگر سوال کی نوعیت مختلف ہوتو اس کی مکمل تفصیل لکھ کرسوال دوبارہ ای میل کردیا جائے اس پر غور و فکر کے بعد ان شاء اللہ حکم شرعی سے آگاہ کر دیا جائے گا۔

مأخَذُ الفَتوی

الدرالمختار:(و تتم) الهبة (بالقبض) الكامل (و لو الموهوب شاغلا لملك الواهب لا مشغولا به) و الأصل أن الموهوب إن مشغولا بملك الواهب منع تمامها ،(5/690)۔