شوہر کے کفریہ جملوں کا حکم

ترجمہ:میرے شوہر کافی عرصے سے کفریہ کلمات نکالتے ہیں،اور تقریباًروز اسطرح کی باتیں اور بحث ہوتی ہے کہ" دنیا میں جو کچھ بھی ہو رہا ہے، اللہ کروا رہا ہے،اور اللہ اس پر راضی ہے، اور خوش ہے ان لوگوں سے جو غلط کام کرتے ہیں، جبھی ان کو اتنا نواز رہا ہے،اللہ نے ہم سے دشمنی رکھی ہوئی ہے، ہم نے کیا بگاڑا ہے اسکا"، آخرت کی بات کروں تو کہتے ہیں وہ تو بعد کی بات ہے،وہ تو الگ بات ہے،اس میں بھی اللہ ان سب کو معاف کر کے جنت میں ڈال دیگا،اور ہم جہنم میں بیٹھے ہوں گے،کیوں کہ ہم نے زبان سے کچھ کہہ دیا غلط ،باقی سب اتنا اتنا برا کام کر رہے ہیں، اور اللہ ان سے خوش ہے"، لاسٹ ٹائم (Last time) تو کہا ہے کہ "مجھ سے شرط لگا لو , سارے برے لوگ جنت میں ہونگے"، یہ بھی کہا ہے کہ وہ (اللہ) جو بھی کرے اور ہم کچھ کہہ بھی نہیں سکتے ،یہ تو غنڈہ گردی ہے"،روکنے پے اور بڑھتے ہیں،ذہنی طور پر صحیح ہیں،صرف غصہ بڑھا ہوا ہے،کیوں کہ انکے کام اٹک جاتے ہیں،معاشی طور پر پریشان رہتے ہیں،مجھے بتائیں میں کیا کروں،دو چھوٹے بچے ہیں۔

الجوابُ حامِدا ًو مُصلیِّا ً

سائلہ کا بیان اگر واقعۃً درست اور مبنی بر حقیقت ہو تو سوال میں درج کردہ کلمات کیوجہ سے سائلہ کا شوہر دائرۂ اسلام سے خارج ہو چکا ہے، اس پر لازم ہے کی دوبارہ کلمہ پڑھ کر تجدیدِ ایمان کر کے تجدیدِ نکاح بھی کرے،اور اسکے ساتھ ساتھ اپنے اس عمل پر بصدقِ دل توبہ و استغفار کر کے آئندہ کےلئے ایسے کفریہ کلمات کہنے سےمکمل اجتناب کرے۔

مأخَذُ الفَتوی

کما فی الہندیة : (و منها ما يتعلق بذات الله تعالى و صفاته و غير ذلك) يكفر إذا وصف الله تعالى بما لا يليق به ، أو سخر باسم من أسمائه ، أو بأمر من أوامره ، أو نكر وعده و وعيده ، أو جعل له شريكا ، أو ولدا ، أو زوجة ، أو نسبه إلى الجهل ، أو العجز ، أو النقص و يكفر بقوله يجوز أن يفعل الله تعالى فعلا لا حكمة فيه و يكفر إن اعتقد أن الله تعالى يرضى بالكفر كذا في البحر الرائق (2/258)۔
و فیہ ایضاً : قال أبو حفص-رحمه الله تعالى-من نسب الله تعالٰى إلى الجور فقد كفر كذا في الفصول العمادية (2/259)-
و فیہ ایضاً : فقير قال في شدة فقره : فلان هم بنده است باچنداں نعمت و من هم بنده درچنديں رنج باري ايں چنيں عدل باشد كفر . (2/262)۔
و فی ردالمحتار : أن ما يكون كفرا اتفاقا يبطل العمل و النكاح ، و ما فيه خلاف يؤمر بالاستغفار و التوبة و تجديد النكاح و ظاهره أنه أمر احتياط . (4/230)۔