فحش گفتگو کے دوران قرآن مجید کی آیت مبارکہ پڑھ کر نامناسب جواب دینا

السلام علیکم ! مفتی صاحب میرے ایک دوست نے دوسرے دوست کے متعلق بتایا ہے کہ میں نے اس سے گندی جنسی فلم کے متعلق سوال پوچھا ہے کہ اس میں کام کرنے والی اداکارائیں گندی فلم کے دوران oh god oh god کیوں چلاتی رہتی ہیں ۔ تو دوسرے دوست نے الذين يذكرون الله قیاما و قعودا و علی جنوبہم والی آیت پڑھ کر اس کا جواب دیا ہے ۔ یہ کہ دونوں دوست ہنسنا شروع ہو گئے ۔ مجھے بہت افسوس ہوا اور میں نے انہیں کہا تم دونوں اسلام سے خارج ہو چکے ہو لہذا دوبارہ کلمہ پڑھو ۔ مگر وہ دونوں نہیں مانتے ۔ مفتی صاحب پلیز بتائیں شریعت ان کے متعلق کیا کہتی ہے جو آیات کو ایسی جگہ استعمال کرتے ہیں۔ شکریہ

الجوابُ حامِدا ًو مُصلیِّا ً

ایسے مواقع پر اس طرح کے بے ہودہ سوال کا قرآن مجید کی مذکور آیت مبارکہ سے جواب دینا قطعاً درست نہیں، بلکہ یہ گمراہی پر مبنی انتہائی قبیح و شنیع عمل ہے ، سائل کے دوست کو اپنی اس ناپاک جسارت پر فی الفور بصدق دل تو بہ واستغفار اور آئندہ کے لیے اس سے مکمل اجتناب لازم ہے، جبکہ مذکور مکالمہ سے سائل کے دوستوں کے دائرہ اسلام سے خارج ہونے یا نہ ہونے سے متعلق ان کا موقف اور قصد وارادہ وغیرہ کی تفصیلات معلوم ہونے کے بعد ہی کوئی حکم شرعی بتایا جا سکتا ہے۔

مأخَذُ الفَتوی

كما في الفتاوى البزازية : ولإحتمال أنه اراد الوجه الذي لا يجب التكفير، اللهم اذا صرّح بإرادة موجب الكفر فلا ينفعه التاويل حينئذ كالجامل اذا تكلم بكلمته ولم يدرك أنها كفر، قال بعضهم: يكفر، وقيل: لا ويعذر بالجهل، ومنها اذا تكلم بكلمته بلا علم أنها كفر عن إختيار يكفر عند عامة العلماء خلافاً للبعض، ولا يعذر بالجهل، وقيل: لا يكفر، أما اذا اراد أن يتكلم بكلمة مباحة فجرى على لسانه كلمة خطا بلا قصد - والعياذ بالله - لا يكفر؛ لأن القاضي لا يصدقه علی ذلك اھ (۶/ ۳۲۱) والله اعلم بالصواب