ایک بیوہ، دو بیٹوں اور دو بیٹیوں کے درمیان ترکے کی تقسیم

السلام علیکم !میرے سسر (شمیم احمد مرحوم) کا انتقال 9 مئی 2010 کو ہوا ،انہوں نے پسماندگان میں ایک بیوہ، 2 بیٹے اور 2 بیٹیاں چھوڑی ہیں،انہوں نے ایک گھر چھوڑا جو اس نے اپنے وسائل سے خریدا تھا، اب خاندان گھر بیچ کر رقم تقسیم کرنا چاہتا ہے، براہ کرم رہنمائی کریں کہ وراثت کے حصہ کا حساب کیسے کیا جائے گا؟ جزاک اللہ خیراً

الجوابُ حامِدا ًو مُصلیِّا ً

سائل کے سسر مرحوم کا ترکہ اصولِ میراث کے مطابق اس کے مذکور ورثاء میں اس طرح تقسیم ہو گا کہ مرحوم نے بوقتِ انتقال جو کچھ منقولہ و غیر منقولہ مال و جائیداد ، سونا، چاندی، زیورات، نقدر قم اور ہر قسم کا چھوٹا بڑا گھر یلو ساز و سامان اپنی ملکیت میں چھوڑا ہے،اس میں سے بالترتیب حقوقِ متقدمہ علی المیراث(کفن دفن کے متوسط مصارف ، واجب الاداقرضوں اور حق ِ مہر کی ادائیگی ، اور بقیہ مال کے ایک تہائی (3/1)حصے کی حد تک جائز وصیت پر عمل ) کے بعد جو کچھ بچ جائے ، اس کے کل اڑتالیس (48)حصے بنائے جائیں ، جن میں سے مرحوم کی بیوہ کو چھ (6)حصے ، ہر بیٹے کو چودہ (14) حصے ،جبکہ ہربیٹی کو سات (7) حصے دیئے جائیں ۔ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ