احکام وراثت
ترکہ کی تقسیم = مرحوم کی ایک بیوہ ایک بیٹا اور تین بیٹیاں
فتوی نمبر : 71373
ترکہ کی تقسیم = مرحوم کی ایک بیوہ ایک بیٹا اور تین بیٹیاں
معاملات / ترکات / احکام وراثت
ترکہ کی تقسیم = مرحوم کی ایک بیوہ ایک بیٹا اور تین بیٹیاں
السلام علیکم ورحمۃ اللہ وبرکاتہ! کیا فرماتے ہیں مفتیانِ کرام مندرجہ ذیل مسئلہ کے بارے میں کہ میرے والد مرحوم محمد صادق کا انتقال ہو گیا ہے، ان کے ورثاء میں ایک بیوہ ، ایک بیٹا محمد سلیم اور تین بیٹیاں (شاہین ، کوثر، شمیم) موجود ہیں، والد مرحوم کا ترکہ مذکور ورثاء میں شریعت کے مطابق کس طرح تقسیم کیا جائیگا ؟ دادا ، دادی کا پہلے ہی انتقال ہو گیا تھا۔
الجوابُ حامِدا ًو مُصلیِّا ً
صورتِ مسئولہ میں والدمسمی محمد صادق مرحوم کا ترکہ اصولِ میراث کے مطابق اس کے مذکور ورثاء میں اس طرح تقسیم ہوگا کہ مرحوم نے بوقتِ انتقال جو کچھ منقولہ و غیر منقولہ مال و جائیداد ، سونا ، چاندی ، زیورات ، نقد رقم اور ہر قسم کا چھوٹا بڑا گھریلو ساز و سامان اپنی ملکیت میں چھوڑا ہے وہ سب مرحوم کا ترکہ ہے جس میں سے سب سے پہلے مرحوم کے کفن دفن کے متوسط مصارف ادا کریں ، اس کے بعد دیکھیں کہ اگر مرحوم کے ذمہ کچھ قرض یا بیوہ کا حق مہر واجب الادا ہو تو وہ ادا کریں ، اس کے بعد دیکھیں کہ اگر مرحوم نے کوئی جائز وصیت کی ہو تو بقیہ مال کے ایک تہائی ( 1/3) کی حد تک اس پر عمل کریں ، اس کے بعد جو کچھ بچ جائے اس کے کل چالیس (40) حصے بنائے جائیں، جن میں سے مرحوم کی بیوہ کو پانچ(5) حصے، بیٹے کو چودہ(14) حصے ، جبکہ بیٹیوں میں سے ہر ایک بیٹی کو سات(7) حصے دیے جائیں -
محمد کریم یعقوب عُفی عنه
دار الافتاء جامعه بنوریه عالمیه
فتوی نمبر 71373کی تصدیق کریں
Related Fatawa متعلقه فتاوی
-
-
-
-
-
-
-
-
-
-
-
باپ سے الگ رہنے اور گھر کے اخراجات میں شریک نہ ہونے والے بیٹے کا ترکہ میں سے مطالبہ کرنا
یونیکوڈ احکام وراثت 1 -
-
-
-
-
-
کسی نے حصۂ میراث اپنی زندگی میں طلب نہ کیا ہو تو اس کے ورثاء کا اس کے حصے کا مطالبہ کرنا
یونیکوڈ احکام وراثت 2 -
-
ترکہ کی تقسیم(مرحومہ کے بالواسطہ و بلا واسطہ ورثاء =1 حقیقی بیٹا 1 سوتیلا بیٹا 2 حقیقی بیٹیاں 2 دو سوتیلی بیٹیاں)
یونیکوڈ احکام وراثت 0
Related Topics متعلقه موضوعات
-
734احکام وراثتInheritance
-
29احکام وصیتWill and Testament