ورثاء میں دو بیٹے اور تین بیٹیاں ہوں تو ترکہ کیسے تقسیم ہوگا؟

السلام علیکم! حضرت ایک گھر بیچنا ہے جو 40 گز پر مشتمل ہےجس کی قیمت 52 لاکھ روپے ہے، والدین کا انتقال ہوچکا ہے، ورثاء میں دو بیٹے اور تین بیٹیاں ہیں، شریعت میں ان ورثاء کا کتنا حصہ ہوگا؟

الجوابُ حامِدا ًو مُصلیِّا ً

واضح ہو کہ والدین مرحومین کا ترکہ اس کے موجود ورثاء میں اصول میراث کے مطابق اس طرح تقسیم ہوگا کہ مرحومینین نے بوقت انتقال اپنی ملکیت میں جو کچھ منقولہ و غیر منقولہ مال و جائیداد ، سونا ، چاندی ، زیورات ، نقد رقم اور ہر قسم کا چھوٹا بڑا گھریلو سازو سامان چھوڑا ہے وہ سب مرحومین کا ترکہ ہے، اس میں سب سے پہلے مرحومین کے کفن دفن کے متوسط مصارف ادا کریں البتہ اگر یہ مصارف کسی نے بطور تبرع ادا کئے ہوں تو اب یہ ترکے سے منہا نہ ہوں گے، اس کے بعد دیکھیں کہ اگر مرحومین کے ذمہ کچھ قرض واجب الاداء تو وہ ادا کریں،اس کے بعد دیکھیں کہ اگر مرحومین نے کوئی جائز وصیت کی ہو تو بقیہ مال کے ایک تہائی (3/1) کی حد تک اس پر عمل کریں،اس کے بعد جو کچھ بچ جائے اس کے کل سات (7) حصّے بنائے جائیں، جن میں سے مرحومین کے ہر بیٹے کو دو (2) حصّے ، جبکہ ہر بیٹی کو ایک (1) حصہ دیا جائے، جیسا کہ ذیل کے نقشہ سے بھی واضح ہورہا ہے مزید سہولت کے لئے فیصدی حصّے بھی لکھ دیے گئے ہیں ،ملاحظہ ہو!
مسئلہ7 (والدین مرحومین)
میــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بیٹا بیٹا بیٹی بیٹی بیٹی
2 2 1 1 1
28.571% 28.571% 14.285% 14.285% 14.285%