مرحومہ کے ورثاء میں شو ہر اور والدین ہوں تو ان کے درمیان ترکہ کیسے تقسیم ہوگا؟

کیا فرماتےہیں علماء کرام مندرجہ ذیل مسئلہ کےبارے میں کہ ایک لڑکی فلانہ جوکہ شادی شدہ تھی، ان کا انتقال ہوگیا،ورثاء میں شوہر،اور والدین موجود ہیں،معلوم یہ کرنا ہے کہ مرحومہ کا سامان جہیز جواس کی ملکیت تھی اور حقِ مہر جوکہ لڑکی کی ملکیت ہوتی ہے ،وہ مذکور ورثاء میں شریعت کے مطابق کس طرح تقسیم کیا جا ئے گا؟

الجوابُ حامِدا ًو مُصلیِّا ً

واضح ہوکہ مرحومہ کا ترکہ اس کے موجود ورثاء میں اصولِ میراث کے مطابق اس طرح تقسیم ہوگا کہ مرحومہ نے بوقتِ انتقال جو کچھ مال و جائیدا د، سونا، چاندی ،زیورات نقد رقم اور ہر قسم کا چھوٹا بڑا گھریلو، ساز وسامان اپنی ملکیت میں چھوڑا ہے،وہ سب مرحومہ کا ترکہ ہے، مرحومہ کے کفن دفن کے متوسط مصارف اس کے شوہر پر لازم ہیں، چنانچہ اگر وہ شوہر نے ادا کر دیئے ہوں یا کسی اور نے بطور تبرع و احسان ادا کر دیئے ہوں ،تو وہ ترکہ سے منہانہ کئے جائیں گے، اس کے بعد دیکھیں کہ اگرمرحومہ کے ذمہ کچھ قرض واجب الاداء ہو تو وہ ادا کریں ،اس کےبعد دیکھیں کہ اگر مرحومہ نے کوئی جائز وصیت کی ہو تو بقیہ مال کے ایک تہائی (3/1)کی حد تک اس پر عمل کریں، اس کے بعد جو کچھ بچ جائے، اس کے کل چھ(6) حصے بنائے جائیں،جن میں سے مرحومہ کے شوہر کوتین(3)حصے،مرحومہ کے والد کو دو(2)حصے،اور مرحومہ کی والدہ کو ایک (1)حصہ دیاجائے،جیساکہ ذیل کے نقشے سے بھی واضح ہورہا ہے اور مزید سہولت کےلئے فیصدی حصے بھی لکھ دئیے گئے ہیں،ملاحظہ ہو!
مسئلہ 6
میتــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شوہر والدہ والد
3 1 2
50% 16.666% 33.333%