ایک بیٹے اور دو بیٹیوں میں والد مرحوم کا ترکہ کیسے تقسیم ہوگا؟

کیا فرماتے ہیں علماء کرام مندرجہ ذیل مسئلہ میں کہ: ہمارے والدین کا انتقال ہو چکا ہے، پہلے ہماری والدہ اور بعد میں والد کا انتقال ہو گیا تھا، بوقت انتقال ورثاء میں ایک بیٹا اور دو بیٹیاں تھیں۔ دادا ، دادی کا پہلے ہی انتقال ہو گیا تھا۔اب معلوم یہ کرنا ہے کہ والد مرحوم کا ترکہ جائیداد مکان و غیرہ مذکور ورثاء میں شریعت کے مطابق کس طرح تقسیم ہوگا؟ تفصیلی جواب عنایت فرمائیں۔

الجوابُ حامِدا ًو مُصلیِّا ً

صورتِ مسئولہ میں سائل کے مرحوم والد کا ترکہ اس کے موجود ورثاء میں اصول میراث کے مطابق اس طرح تقسیم ہوگا کہ مرحوم نے بوقتِ انتقال اپنی ملکیت میں جو کچھ منقولہ و غیر منقولہ مال و جائیداد سونا ،چاندی ، نقد رقم اور ہر قسم کا چھوٹا بڑا گھریلو ساز و سامان چھوڑا ہے، وہ سب مرحوم کا ترکہ ہے۔ اس میں سے سب سے پہلے مرحوم کے کفن دفن کے متوسط مصارف ادا کریں ، اس کے بعد دیکھیں کہ اگر مرحوم کے ذمہ کچھ قرض واجب الادا ہو تو وہ ادا کریں، اس کے بعد دیکھیں کہ اگر مرحوم نے کوئی جائز وصیت کی ہو تو بقیہ مال کے ایک تہائی ( 3/1) کی حد تک اس پر عمل کریں ، اس کے بعد جو کچھ بچ جائے ، اس کے کل چار (4) حصے بنائے جائیں ، جن میں سے مرحوم کا بیٹے کو دو (2) حصے اور مرحوم کی ہر ایک بیٹی کو ایک ایک حصہ دیا جائے ، جیسا کہ ذیل نقشے سے بھی واضح ہو رہا ہے، مزید سہولت کے لئے فیصدی حصے بھی لکھ دیے گئے ہیں۔ ملاحظہ ہو!
مسئلہ4 (مرحوم والد)
میــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بیٹا بیٹی بیٹی
2 1 1
50% 25% 25%