انتقال سے قبل شوہر کا فلیٹ کےلئے زبانی کہنا کہ یہ تمہارا ہے

ہمارے والد صاحب کا انتقال ہوگیا ہے(اللہ رب العزت ہمیں جنت الفردوس میں اکٹھے فرمائے۔ آمین)۔ ورثاء میں ہماری والدہ ، ہم تین بھائی اور تین بہنیں ہیں۔ سب بہن بھائی شادی شدہ ہیں۔ والد صاحب کا ایک پینتالیس گز کا مکان ہے، جس میں والدہ اور دو بھائی رہتے ہیں، اور ایک چھوٹا فلیٹ ہے، کچھ نقدی ہے اور ضرورت کی چیزیں(کپڑے، گھڑی، موبائل، چپلیں وغیرہ)ہیں۔ مندرجہ بالاچیزوں کی شرعی لحاظ سے تقسیم کس طرح ہوگی؟ والدہ نے بتایا کہ والد صاحب نے فلیٹ کےلئے زبانی کہا تھا کہ یہ تمہارا ہے۔ کیا اس فلیٹ کی وراثت میں تقسیم ہوگی؟

الجوابُ حامِدا ًو مُصلیِّا ً

صورت ِ مسؤلہ میں اگر سائل کے والد مرحوم نے اپنی زندگی میں اپنا ذاتی فلیٹ بیوی کو زبانی طور پر گفٹ کیا ہو،باقاعدہ مالکانہ قبضہ نہ دیا ہو، تو محض زبانی کلامی گفٹ کردینے سے وہ فلیٹ اس کی بیوی کی ملکیت نہیں بنا، بلکہ بدستور مرحوم والد کی ملکیت میں برقرار رہ کر اب ان کے انتقال کےبعد ان کے شرعی ورثاء کے درمیان حصصِ شرعی کے مطابق تقسیم ہوگا۔
اس کے بعد واضح ہو کہ مرحوم کا ترکہ اصولِ میراث کے مطابق ان کے موجودہ ورثاء میں اس طرح تقسیم ہوگا کہ مرحوم نے بوقتِ انتقال اپنی ملکیت میں جو کچھ منقولہ و غیر منقولہ مال و جائیداد، سونا چاندی، زیورات ، نقد رقم اور ہر قسم کا چھوٹا بڑا گھریلو سازوسامان چھوڑا ہو، وہ سب مرحوم کا ترکہ ہے۔ جس میں سے سب سے پہلے مرحوم کے کفن دفن کے متوسط مصارف ادا کریں، اس کے بعد دیکھیں کہ اگر مرحوم کے ذمہ کچھ قرض یا بیوہ کا حقِ مہر واجب الاداء ہو تو وہ ادا کریں، اس کے بعد دیکھیں اگر مرحوم نے کوئی جائز وصیت کی ہو تو بقیہ مال کے ایک تہائی ( 1/3) کی حد تک اس پر عمل کریں۔ اس کے بعد جو کچھ بچ جائے اس کے کل بہتر (72) حصے بنائے جائیں، جس میں سے مرحوم کی بیوہ کونو(9) حصے، ہر ایک بیٹے کو چودہ (14)حصے،اور ہر ایک بیٹی کو سات(7)حصے دیےجائیں۔ جیسا کہ ذیل کے نقشہ سے بھی واضح ہورہا ہے ، مزید سہولت کےلئے فیصدی حصے بھی لکھ دیے گئے ہیں، ملاحظہ ہو!

مسئلہ8/72 والد(مرحوم) المضروب9
میـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بیوہ بیٹا بیٹا بیٹا بیٹی بیٹی بیٹی
1 63/7
9 14 14 14 7 7 7
12.5% 19.444% 19.444% 19.444% 9.722% 9.722% 9.722%

مأخَذُ الفَتوی

کما فی الدر المختار: (و تتم) الھبۃ (بالقبض) الکامل (و لو الموھوب شاغلا لملک الواھب لا مشغولا بہ) و الأصل أن الموھوب إن مشغولا بملک الواھب منع تمامھا و إن شاغلا لا إلخ۔ (کتاب الھبۃ، ج 5، ص 690۔691، ط: سعید)۔
و فی الھندیۃ: لا یثبت الملک للموھوب لہ إلا بالقبض ھو المختار، ھکذا فی فصول العمادیۃ إلخ۔ (الباب فیما یجوز من الھبۃ و ما لا یجوز، ج 4، ص 378، ط: ماجدیۃ)۔