احکام وراثت
ترکہ کی تقسیم کی ایک صورت
فتوی نمبر : 88959
ترکہ کی تقسیم کی ایک صورت
معاملات / ترکات / احکام وراثت
ترکہ کی تقسیم کی ایک صورت
کیا فرماتے ہیں علماء کرام مندرجہ ذیل مسئلے میں کہ ہمارے والد صاحب کا انتقال ہو چکا ہے، ورثاء میں بیوہ تین بیٹے اور تین بیٹیاں موجود ہیں، دادا دادی کا پہلے ہی انتقال ہو گیا تھا، معلوم یہ کرنا ہے کہ والد مرحوم کا ترکہ مذکور ورثاء میں شریعت کے مطابق کس طرح تقسیم کیا جائے گا؟
الجوابُ حامِدا ًو مُصلیِّا ً
صورت مسئولہ میں والد مرحوم کا ترکہ اس کے موجود تمام ورثاء میں اصولِ میراث کے مطابق اس طرح تقسیم ہوگا کہ مرحوم نے بوقتِ انتقال جو کچھ منقولہ و غیر منقولہ مال و جائیداد ، سونا ، چاندی ، زیورات، نقد رقم اور ہر قسم کا چھوٹا بڑا گھریلو سازوسامان اپنی ملکیت میں چھوڑا ہے ، اس میں سب سے پہلے مرحوم کے کفن دفن کے متوسط مصارف ادا کریں ، اس کے بعد دیکھیں کہ اگر مرحوم کے ذمہ کچھ قرض یا بیوہ کا حق مہرواجب الادا ہو تو وہ ادا کریں ، اس کے بعد دیکھیں کہ اگر مرحوم نے کوئی جائز وصیت کی ہو تو بقیہ مال کے ایک تہائی (1/3) حصے کی حد تک اس پر عمل کریں ، اس کے بعد جو کچھ بچ جائے اس کے کل بہتر (72) حصے بنائےجائیں ، جن میں سے مرحوم کی بیوہ کونو (9) حصے ،جبکہ ہر بیٹے کوچودہ (14) حصے اور ہر بیٹی کو سات (7)حصہ دیا جائے .
عبدالھادی شعیب عُفی عنه
دار الافتاء جامعه بنوریه عالمیه
فتوی نمبر 88959کی تصدیق کریں
Related Fatawa متعلقه فتاوی
Related Topics متعلقه موضوعات
-
658احکام وراثتInheritance
-
28احکام وصیتWill and Testament