میں ابھی نیا نیا مسلمان ہوا ہوں کہنے کا حکم

السلام علیکم!
اگر ایک مسلمان مذاق میں بولے میں ابھی نیا نیا مسلمان ہوا ہوں- تو کیا اِس جملے سے انسان کافر ہو جاتا ہے- لیکن یہ الفاظ نہیں تھے کہ میں کافر ہوں، بس یہ بولا کہ میں نیا نیا مسلمان ہوا ہوں، جب کہ نیت بھی وہ نہیں تھی۔ اور اگر انسان کافر ہو جاتا ہے تو کیا وہ شخص بھی کافر ہوگا جس کو اس مسئلہ کے بارے میں پتہ بھی نہیں تھا- اور کیا نکاح بھی ٹوٹ جاتا ہے-

الجوابُ حامِدا ًو مُصلیِّا ً

واضح ہو کہ" میں ابھی نیا مسلمان ہوا ہوں" کا جملہ کفر یہ جملہ نہیں اس لئے مذکور جملہ کہنے سے کہنے والے کے ایمان و نکاح پر کوئی اثر نہیں پڑے گا ۔تا ہم اس طرح کے مذاق سے احتراز لازم ہے ۔

مأخَذُ الفَتوی

کما فی الفتویٰ التاتارخانیة:یجب ان یعلم انہ اذا کان فی المسألة وجوہ توجب التکفیر و وجہ واحد یمنع التکفیر،فعلی المفتی ان یمیل الی الوجہ الذی یمنع التکفیر تحسینا للظن باللمسلم ،ثم ان کان نیة القائل الوجہ الذی یمنع التکفیر فہو مسلم ،و ان کان نیتہ الوجہ الذی یوجب التکفیر لا ینفعہ فتوی المفتی و یأمر بالتوبة و الرجوع عن ذلک و تجدید النکاح بینہ و بین امراتہ، و فی الظھیرة : و ان لم تکن لہ نیة حمل المفتی کلامہ علی وجہ لا یوجب التکفیر و یؤمر التوبة والاستغفارواستجدادالنکاح.اھ(کتاباحکام المرتدین،ج:۷،ص:۲۸۱،ط:مکتبة رشیدیة)
و فی الہندیۃ: رجل كفر بلسانه طائعا، وقلبه مطمئن بالإيمان يكون كافرا ولا يكون عند الله مؤمنا كذا في فتاوى قاضي خان.اھ. (الباب العاشر فی البغاة،ج:۲،ص:۲۸۳،ط:دار الفکر)