والدمرحوم کےمکان پر خرچ کی ہوئی رقم کوبطور قرض شمار کرنا

کیا فرماتے ہیں علماء کرام مندرجہ ذیل وراثت کے مسئلہ میں کہ میرے والد مرحوم کا ایک سال قبل انتقال ہوا ، انہوں نے ایک مکان ترکہ میں چھوڑا ہے ، انتقال کے وقت ان کے ورثاء میں صرف ایک بیٹا(میں)اور دو بیٹیاں حیات تھیں اور یہ سب اب بھی موجود ہیں ، ان ورثاء کے علاوہ کوئی اور شرعی وارث نہیں تھا ، اس مکان پر میں نے گیارہ لاکھ ستر ہزار(1170000) روپے والدمرحوم کی زندگی میں خرچ کیے تھے ، خرچ کرتے وقت میں نے والد مرحوم سے کہا تھا کہ میرے یہ پیسے مجھے ملیں گے یا نہیں؟ تو انہوں نے کہا کہ میرے پاس تو بظاہر کچھ نہیں، البتہ بعد میں بہنوں سے پوچھ کر مکان میں سے اپنا حساب لے لینا، چناں چہ والد مرحوم کی زندگی ہی میں، میں نے بہنوں سے با ت کی تو انہوں نے بھی کہا کہ ٹھیک ہے اور اب بھی وہ اس بات کو مان رہی ہیں ۔ لہذا آپ حضرات سے گزارش ہے کہ شرعی اعتبار سے بتائیں کہ کیا میں اب گیارہ لاکھ ستر ہزار روپے تقسیم سے قبل ترکہ میں سے اپنے اخراجات کی مد میں وصول کرسکتا ہوں؟دوسری بات یہ کہ مکان بک گیا ہے اور ہرقسم کے اخراجات نکال کر صافی رقم اکیاسی لاکھ اٹھاون ہزار(8158000)روپے بچتے ہیں تو اس کو ایک بیٹا(میں) اور دو بیٹیوں کے درمیان کس تناسب سے تقسیم کرینگے ؟ ہر ایک کا حصہ بتادیں ۔

الجوابُ حامِدا ًو مُصلیِّا ً

صورت مسئولہ میں اگر واقعۃً سائل نے واپسی کی صراحت کے ساتھ والدمرحوم کےمکان پررقم خرچ کی ہو اور ان کے انتقال کے بعد دیگر ورثاء بھی اس بات کی تصدیق کرتے ہوئے اس قرض کو تسلیم کرتے ہو تو اس صورت میں وہ تقسیم ترکہ سے قبل اپنے قرض کی رقم وصول کرسکتاہے۔

مأخَذُ الفَتوی

کما فی الدرالمختار:(عمر دار زوجته بماله بإذنها فالعمارة لها والنفقة دين عليها) لصحة أمرها (ولو) عمر (لنفسه بلا إذنها العمارة له) ويكون غاصبا للعرصة فيؤمر بالتفريغ بطلبها ذلك (ولها بلا إذنها فالعمارة لها وهو متطوع) في البناء فلا رجوع له
وفی ردالمحتارتحت قولہ (والنفقة دين عليها): لأنه غير مقطوع في الإنفاق فيرجع عليها لصحة أمرها، فصار كالمأمور بقضاء الدين زيلعي، وظاهره وإن لم يشترط الرجوع وفي المسألة اختلاف وتمامه في حاشية الرملي على جامع الفصولين،اھ(ج:1، مسائل شتی، ص:747، مط:سعید)