مرحوم کے پلاٹ پر خرچ کی ہوئی تعمیر کا حکم

کیا فرماتے ہیں علماء کرام مندرجہ ذیل مسئلے کے بارے میں کہ میرے دادا مرحوم عبد الرحمن یونس کا انتقال ہوگیا، بوقتِ انتقال ورثاء میں چار بیٹے اور ایک بیٹی موجود تھی، جبکہ ان کی اہلیہ کا انتقال ان سے پہلے ہی ہوچکا تھا،دادا مرحوم کے انتقال کے بعد تمام ورثاء نے باہمی رضامندی سے ان کا ایک پلاٹ انتظامی طور پر میرے والد کے نام کردیا، اس پلاٹ کے سلسلے میں اب تک جتنے بھی اخراجات ہوئے، وہ تمام میں نے اپنی طرف سے ادا کیے، تاہم اخراجات کرتے وقت میں نے دیگر ورثاء سے نہ واپسیِ رقم کا مطالبہ کیا تھا، اور نہ ہی ان اخراجات کو قرض قرار دینے کی کوئی صراحت کی تھی۔
اس کے بعد مرحوم کی بیٹی حلیمہ زوجہ اسماعیل کا انتقال ہوگیا، جن کے ورثاء میں شوہر، دو بیٹیاں اور ایک بیٹا موجود ہیں۔
پھر مرحوم کے ایک بیٹے محمود عبدالرحمن کا بھی انتقال ہوگیا، جن کے ورثاء میں ایک بیوہ، تین بیٹیاں اور ایک بیٹا موجود ہیں۔
اب معلوم یہ کرنا ہے کہ مرحوم عبد الرحمن یونس کا ترکہ مذکورہ ورثاء میں شریعت کے مطابق کس طرح تقسیم ہوگا؟
نیز کیا پلاٹ پر میری طرف سے کیے گئے اخراجات، جنہیں میں نے اس وقت نہ قرض قرار دیا تھا ،اور نہ ہی دیگر ورثاء سے واپسی کا مطالبہ کیا تھا، اب ترکہ تقسیم کرنے سے پہلے پلاٹ کی قیمت میں سے منہا کیے جاسکتے ہیں؟

الجوابُ حامِدا ًو مُصلیِّا ً

صورتِ مسئولہ میں سائل نے اگر یہ اخراجات اپنی طرف سے تبرع (احسان) کے طور پر کیے تھے ، اس وقت دیگر ورثاء سے واپسی کا مطالبہ بھی نہیں کیا تھا، اور نہ یہ صراحت کی تھی کہ یہ رقم قرض ہے ،یا بعد میں ترکہ سے وصول کروں گا، تو اصولاً سائل کو اب ان اخراجات کو ترکہ سے منہا کرنے کا شرعاًحق حاصل نہیں ۔
البتہ اگر کوئی قرینہ یا باہمی سمجھوتا موجود ہو کہ یہ اخراجات عارضی طور پر سائل ادا کر رہا ہے، اور بعد میں مرحوم کے ترکہ سے ادا کردیے جائیں گے، یا تمام ورثاء مذکور اخراجات باہمی رضامندی سے تقسیم ترکہ کے وقت سائل کو ادا کرنے پر آمادہ وتیار ہوں،تو ایسی صورت میں سائل کے لئے پلاٹ کے انتظام وانصرام پر آنے والے اخراجات ترکہ سے وصول کرنے کی گنجائش ہے۔
اس کے بعد واضح ہوکہ سائل کے دادا عبدالرحمن یونس مرحوم کا ترکہ اصولِ میراث کے مطابق اس کے موجود ورثاء کے درمیان اس طرح تقسیم ہوگاکہ مرحوم نے بوقتِ انتقال جوکچھ منقولہ وغیر منقولہ مال وجائیداد،سونا، چاندی،زیورات،نقد رقم اورہر قسم کاچھوٹا بڑا گھریلو سازوسامان اپنی ملکیت میں چھوڑا ہے ،اس میں سے سب سے پہلےمرحوم کے کفن دفن کے متوسط مصارف ادا کریں، اس کے بعد دیکھیں کہ اگر اس کے ذمہ کچھ قرض واجب الاداہوتو وہ ادا کریں،اس کے بعد دیکھیں کہ اگر اس نے کوئی جائز وصیت کی ہو تو بقیہ مال کے ایک تہائی(3/1)حصےکی حد تک اس پر عمل کریں،اس کے بعد جو کچھ بچ جائے،اس کے کل(720)حصے بنائے جائیں ، جن میں سے مرحوم کے ہر بیٹے کو(160)حصے،مرحوم کے داماد کو(20) حصے،مرحوم کے نواسےکو (30)حصے،ہر نواسی کو(15)حصے ،مرحوم کی بہو کو(20) حصے ،پوتے کو (56 )حصے ، جبکہ ہر پوتی کو(28)حصے دئیے جائیں ،جیسا کہ ذیل کے نقشہ سے بھی واضح ہو رہا ہے ،مزید سہولت کے لئے فیصدی حصے بھی لکھ دیئے گئے ہیں ،ملاحظہ ہو۔
مسئلہ:9/144/720
میــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ(دادا عبدالرحمن یونس مرحوم)ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بیٹا بیٹا بیٹا بیٹا(محمود) بیٹی(حلیمہ)
2 2 2 2 1
32 32 32 32
160 160 160
مسئلہ:4/16 المضروب:4/مف:1
میـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ(بیٹی مرحومہ حلیمہ)ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شوہر بیٹا بیٹی بیٹی
1 3/12
4 6 3 3
20 30 15 15
مسئلہ:8/40/ 5 المضروب:5 /مف:32/ 4
میــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ(بیٹا محمود مرحوم )ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بیوہ بیٹا بیٹی بیٹی بیٹی
1 7/35
5 14 7 7 7
20 56 28 28 28
الاحیــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ(المبلغ:720)ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاء
ورثاء عددی حصص فیصدی حصص
مرحوم کا بیٹا 160 22.222%
مرحوم کا بیٹا 160 22.222%
مرحوم کا بیٹا 160 22.222%
مرحوم کا داماد 20 2.777%
مرحوم کانواسہ 30 4.166%
مرحوم کی نواسی 15 2.083%
مرحوم کی نواسی 15 2.083%
مرحوم کی بہو 20 2.777%
مرحوم کا پوتا 56 7.777%
مرحوم کی پوتی 28 3.888%
مرحوم کی پوتی 28 3.888%
مرحوم کی پوتی 28 3.888%

مأخَذُ الفَتوی

کما فی الدر المختار وحاشية ابن عابدين (رد المحتار):فصل في القرض (هو) لغة: ما تعطيه لتتقاضاه، وشرعا: ما تعطيه من مثلي لتتقاضاه، وهو أخصر من قوله: (عقد مخصوص) أي بلفظ القرض ونحوه،
(يرد على دفع مال) بمنزلة الجنس ،(مثلي) خرج القيمي ،(لآخر ليرد مثله) خرج نحو وديعة وهبة...(قوله خرج نحو وديعة وهبة) أي خرج وديعة وهبة ونحوهما، كعارية،وصدقة؛ لأنه يجب رد عين الوديعة والعارية، ولا يجب رد شيء في الهبة و الصدقة. (جلد5/ص:161)۔
وفی العقود الدرية في تنقيح الفتاوى الحامدية: المتبرع لا يرجع بما تبرع به على غيره ،كما لو قضى دين غيره بغير أمره. اهـ (جلد 2/ص: 226)۔