احکام وراثت
نرینہ اولاد کی موجودگی میں بہن بھائیوں کو حصہ ملتا ہے؟
فتوی نمبر : 97710
نرینہ اولاد کی موجودگی میں بہن بھائیوں کو حصہ ملتا ہے؟
معاملات / ترکات / احکام وراثت
نرینہ اولاد کی موجودگی میں بہن بھائیوں کو حصہ ملتا ہے؟
السلام علیکم جناب! میں آپ سے پوچھنا چاہتا ہوں کہ میری والدہ کی وراثت کے بارے میں اسلامی نقطہ نگاہ اور شریعت کی رو سے کیا حکم ہے۔ ہم تین بھائی ہیں، تو مجھے بتائیں کہ جو میری والدہ نے وراثت، زمین یا جائیداد چھوڑی ہے، وہ ہم تینوں بھائیوں میں تقسیم ہوگی یا پھر میری والدہ کے بہن بھائیوں کی طرف بھی جائے گی؟ مجھے کسی نے بتایا ہے کہ آپ مکمل طور پر والدہ کی وراثت کے حصہ دار نہیں ہیں، بلکہ آپ کی والدہ کے جو بھائی ہیں (میری والدہ کے ایک سگے اور نو سوتیلے بھائی ہیں، اور اسی طرح ایک سگی بہن اور دو سوتیلی بہنیں ہیں) ان کا بھی حصہ ہے۔ تو مجھے اس کے بارے میں گائیڈ کریں۔
الجوابُ حامِدا ًو مُصلیِّا ً
واضح ہو کہ اگر کسی مرحوم یا مر حومہ کی نرینہ اولاد موجود ہو تو اسی صورت میں اس کے بہن بھائی وا رث نہیں بنتے،چنانچہ والدہ کا ترکہ سائل اور اس کے بھائیوں میں ہی تقسیم ہوگا ،لہذا مذکور شخص کا یہ کہنا کہ سائل کی والدہ کے بہن بھائی بھی وارث اور حصہ دار ہونگے ،احکامِ شرعیہ سے نا واقفیت پر مبنی ہے اس پر لازم ہے کہ بغیر علم شرعی مسائل میں پڑنے سے احتراز کرے۔
مأخَذُ الفَتوی
کما قال اللہ تعالیٰ : یُوْصِیْكُمُ اللّٰهُ فِیْۤ اَوْلَادِكُمْۗ-لِلذَّكَرِ مِثْلُ حَظِّ الْاُنْثَیَیْنِۚ۔(سورۃ النساء،آیت نمبر:11)
فی السراجی فی المیراث: وبنو الأعيانِ والعَلات كلهم يسقطون بالابن وابن الابن،وإن سفل، وبالأب بالاتفاق، (باب معرفۃ الفروض و مستحقیھا،ص:28،ط:بشریٰ)
محمد جنید رفیض الدین عُفی عنه
دار الافتاء جامعه بنوریه عالمیه
فتوی نمبر 97710کی تصدیق کریں
Related Fatawa متعلقه فتاوی
-
-
-
-
-
-
-
-
-
-
-
باپ سے الگ رہنے اور گھر کے اخراجات میں شریک نہ ہونے والے بیٹے کا ترکہ میں سے مطالبہ کرنا
یونیکوڈ احکام وراثت 1 -
-
-
-
-
-
کسی نے حصۂ میراث اپنی زندگی میں طلب نہ کیا ہو تو اس کے ورثاء کا اس کے حصے کا مطالبہ کرنا
یونیکوڈ احکام وراثت 2 -
-
ترکہ کی تقسیم(مرحومہ کے بالواسطہ و بلا واسطہ ورثاء =1 حقیقی بیٹا 1 سوتیلا بیٹا 2 حقیقی بیٹیاں 2 دو سوتیلی بیٹیاں)
یونیکوڈ احکام وراثت 0
Related Topics متعلقه موضوعات
-
736احکام وراثتInheritance
-
29احکام وصیتWill and Testament