میری خالہ نے دوسری شادی میرے چاچو سے کی چاچو کی وفات ہو گئی لیکن ان کی کوئی اولاد نہیں تھی ہم ایک ہی گھر میں رہتے تھے گاؤں کے ایک لڑکے کے ساتھ ان کے ناجائز تعلقات شروع ہو گئے ہم نے جب بھی پوچھا وہ جھوٹی قسمیں اٹھاتی انکار کر دیتی کچھ عرصہ بعد آسی سے نکاح کر لیا 3 مہینے بعد اب وہ دوباہ ہمارے گھر آ کر رہنے لگ گئی ہیں کہ مجھے میرا حصہ چاہیے کیا اب انکا کوئی حصہ بنتا ہے ، چاچو کی وفات کے بعد محکمہ کی طرف سے جو رقم ملی اور جو انشورنس کمپنیوں کی طرف سے رقم ملی اور جو بھی کام ان پیسوں سے شروع کیا گیا کیا مثال کے طور پر دکان یا کوئی اور انویسٹمنٹ وہ سب بھی وراثت میں تقسیم کیا جائے گا؟
واضح ہو کہ جب کوئی عورت کسی شخص کے نکاح میں ہو اور اس دوران وہ شخص انتقال کر جائے تو اس شخص کے ترکہ میں دیگر وارثوں کی طرح وہ عورت بھی اپنے حصہ شرعیہ کی حق دار ہوتی ہے،اور دوسری جگہ نکاح کرنے سے اس کا حصہ میراث ساقط نہیں ہو تا،لہذا صورتِ مسئولہ میں اگر سائل چچا کے انتقال کے وقت اس کی بیوی (سائل کی خالہ ) ان کے نکاح میں تھیں ،اور مرحوم چچا کی کوئی اولاد بھی نہیں تھی تو چچا کے ترکہ میں خالہ کل مال بشمول کاروبا کے ایک چوتھائی (1/4)حصہ کی حق دار ہے۔ جب محکمہ یا انشورنس کمپنی سے ملنے والی جس رقم چچا اپنے زندگی میں حق دار بن چکا ہو اور وہ رقم ایک طرح سے کمپنی یا محکمہ کے ذمہ قرض تھی تو وہ بھی مرحوم کا تر کہ کہلائے گا ، جس میں دیگرورثاء کی طرح اس کی بیوہ بھی اپنے حصہ کی حق دار ہو گی ، البتہ جو رقم اداروں کی طرف سے مرحوم کے ورثاء کر بطور تعاون دی جارہی ہو مرحوم اپنی زندگی میں اس کا حق دار نہیں بنا تھا ، تو یہ چونکہ تبرع و احسان کہلائے گا ا س کے لئے ادارے اپنے اصول و ضوابط کے متعلق جن لوگوں کو نامزد کر کے دیں گے وہی اس کے حق دار ہوں گے،البتہ اگر تقسیم سے قبل بعض ورثاء نے دیگر ورثاء ککی اجازت کے بغیر تر کہ کی رقم کسی کاروبار میں لگا دی ہو اور اس کاروبار سے منافع بھی ہو رہا ہو تو اس منافع کے حق دار کام کرنے والے ورثاء ہوں گے یہ منافع تمام ورثاء میں تقسیم نہ ہو گا۔
كمافی درر الحکام : إذا أخذ الورثة مقدارا من النقود من التركة قبل القسمة بدون إذن الآخرين وعمل فيه فخساره يعود عليه، كما أنه لو ربح لا يأخذ الورثة حصة فيه) إذا تصرف أحد بلا إذن في مال الغير وربح يكون الربح له، الخ(أخذ الورثة مقدارا من النقود من التركة قبل القسمة،ج:3 ص: 51 ناشر:دار الجیل)
وفی الاشباہ والنظائر: العطا یا لایورث عنہ ، الخ( کتاب الفرائض ،ج:2 ص: 495 ناشر: ادارۃ القران والعلوم الاسلامیۃ)
وفی الہندیۃ : وأما الاثنان من السبب فالزوج والزوجة فللزوج النصف عند عدم الولد وولد الابن، والربع مع الولد أو ولد الابن وللزوجة الربع عند عدمهما والثمن مع أحدهما، الخ( الباب الثانی فی ذوالفروض ،ج: 6 ص:450 ،ناشر :ماجدیہ)
باپ سے الگ رہنے اور گھر کے اخراجات میں شریک نہ ہونے والے بیٹے کا ترکہ میں سے مطالبہ کرنا
یونیکوڈ احکام وراثت 1ترکہ کی تقسیم(مرحومہ کے بالواسطہ و بلا واسطہ ورثاء =1 حقیقی بیٹا 1 سوتیلا بیٹا 2 حقیقی بیٹیاں 2 دو سوتیلی بیٹیاں)
یونیکوڈ احکام وراثت 0کسی نے حصۂ میراث اپنی زندگی میں طلب نہ کیا ہو تو اس کے ورثاء کا اس کے حصے کا مطالبہ کرنا
یونیکوڈ احکام وراثت 2