سفر کی وجہ سے روزہ چھوڑ نے کا حکم

میرا سوال یہ ہے کہ میرا 12 مارچ سے 20 مارچ تک تھائی لینڈ اور کمبوڈیا کا بزنس ٹرپ ہے۔ ہم ایک گروپ کی صورت میں جا رہے ہیں اور میں اس گروپ کی لیڈر ہوں، اس سفر میں زیادہ تر بیرونی سرگرمیاں شامل ہوں گی، مجھے بتایا گیا ہے کہ دن کے وقت درجہ حرارت 93 ڈگری فارن ہائیٹ تک پہنچ جاتا ہے،میں حجاب کرنے والی ہوں، اس لیے مجھے فکر ہے کہ روزہ رکھنے کی صورت میں کہیں مجھے پانی کی کمی (ڈی ہائیڈریشن) نہ ہو جائے، کیا میں ان دنوں میں روزہ نہ رکھنے کی اجازت رکھتی ہوں؟ میں بعد میں ان روزوں کی قضا کر سکتی ہوں یا ان دنوں کا فدیہ ادا کر سکتی ہوں؟
جزاکم اللہ خیراً، برا ہ مہربانی جلد جواب عنایت فرمائیں

الجوابُ حامِدا ًو مُصلیِّا ً

واضح ہو کہ حالتِ سفر میں روزہ چھوڑنے کی شرعاً اجازت ہے،لہٰذا صورتِ مسئولہ میں سائلہ کےلیےدوران ِسفر روزےنہ رکھنا جائزہے ، البتہ ان روزوں کافدیہ اداکرنا درست نہیں، بلکہ سفرسےواپسی پر قضا لازم ہوگی۔

مأخَذُ الفَتوی

کمافی الدرالمختار: وقد ذكر المصنف منها خمسة وبقي الإكراه وخوف هلاك أو نقصان عقل ولو بعطش أو جوع شديد ولسعة حية (لمسافر) سفرا شرعياولو بمعصيةاھ(کتاب الصوم ،ج: 2، ص:422،ناشر:سعید)
وفی الھندیۃ: (منها السفر) الذي يبيح الفطراھ(الباب الخامس فی الاعذار التی تبیح الافطار،ج:1 ، ص:206، ناشر: ماجدیہ)
وفی فتح القدیر: (قوله: وللمسافر وصومه أحب إن لم يضره) أي جاز للمسافر الفطر؛ لأن السفر لا يعرى عن المشقة فجعل في نفسه عذرا بخلاف المرض اھ (کتاب الصوم ، ج: 2، ص: 304، ناشر: دارالکتاب الاسلامی)