السلام علیکم! عرض ہے کہ برائے مہربانی مندرجہ ذیل باتوں کی وضاحت کر دیں۔
مسئلہ۱۔ اگر جان بوجھ کر (قصدا ) روزہ توڑ دیا ہے تو اس کا کفارہ کیا ہے ؟مسئلہ نمبر ۲۔ بیماری کی وجہ سے قضا کیے گئے روزوں کے بارے میں شریعت اسلامی میں کیا حکم ہے ؟مسئلہ نمبر ۳۔ ۶۰ مسکینوں کو کھانا کھلانے کے لیے کیا طریقہ کا اختیار کروں ؟(۱) کھانے کی کل رقم کسی ایک شخص کو دے دوں یا 60 آدمیوں میں تقسیم کروں؟ (۲) یا کسی بھی فلاحی دینی ادارے کو دے دوں؟ (۳) یا صرف کھانا کھلانا ضروری ہے؟ امید ہے کہ آپ میرے ان مسائل پر شریعت اسلامی کے رو مکمل وضاحت کر یں گے۔
جان بوجھ کر فرض روزہ توڑنے کی صورت میں قضا اور کفارہ دونوں لازم آتے ہیں اور کفارہ یہ ہے کہ دو ماہ لگاتار روزے رکھے درمیان میں وقفہ نہ کرے، اگر اس کی طاقت نہ ہو تو پھر ساٹھ ( 60 )مسکینوں کو دو وقت کا کھانا پیٹ بھر کر کھلائے یا ہر مسکین کو صدقۃ الفطر کی مقدار (جو کہ پونے دو سیر اور احتیاطاً دو سیر گندم ہے) وہ ادا کر دے البتہ سہولت کے لیے اگر کسی دینی مدرسہ میں جہاں مسافر طلباء علم دین حاصل کر رہے ہوں اتنی رقم جمع کرا دیں اور متعلقہ لوگوں کو اس کی حیثیت سے بھی آگاہ کر دیں اور وہ اسے اس کے تصرف میں لگا دیں تو کفارہ اداء ہو جائے گا۔ جبکہ بیماری کیوجہ سے جو روزے قضاء ہوگئے ہوں ان کا اداء کرنا واجب ہے، اس کی وجہ سے کفارہ وغیرہ مزید کچھ بھی لازم نہیں ہوتا۔
شدید تھکن اور چکر آنے کی وجہ سے رمضان کا روزہ توڑنے کا کفارہ ادا کرنا
یونیکوڈ روزے کی قضاء و کفارہ 0