مسجد حرام و مسجد نبوی میں اعتکاف کرنے والے حضرات وخواتین کے لئے ہوٹل جانا جائز ہے؟

جناب مفتی صاحب! السلام علیکم ورحمۃ اللہ وبرکاتہ !
معلوم یہ کرنا ہے کہ مرد اور عورت رمضان شریف میں عمرہ کرنے کے لیے جاتے ہیں، اور آخری عشرہ میں اعتکاف میں بیٹھ جاتے ہیں، کیا اعتکاف کی صورت میں مرد اور عورت خانہ کعبہ سے مسجد نبوی سے با ہر ہوٹل میں سحری کھانا کھانے یا دوسرے ضروریات پوری کرنے کے لیے جا سکتے ہیں؟ مزید اس سلسلے میں خواتین کے بارے میں قرآن وسنت سے آگاہ فرمائیں۔ صرف دن میں ایک بار ہوٹل جانا درست ہے یا نہیں؟

الجوابُ حامِدا ًو مُصلیِّا ً

اگر کوئی دوسرا شخص کھانا لا کر دینے والا نہ ہو اور مسجد میں بھی اس کے کھانے کا اانتظام نہ ہو تو بضرورت ہوٹل پر کھانے کی بھی گنجائش ہے، مگر ضرورت سے زیادہ نہ ٹھہرے، تاہم بہتر یہ ہے کہ مرد ہوٹل وغیرہ سے کھانے کا سامان لے آیا کرے اور دونوں میاں بیوی دیگر معتکفین کی طرح مسجد میں ہی کھانے کا اہتمام کیا کریں۔

مأخَذُ الفَتوی

ففي الهداية شرح البداية: ولا يخرج من المسجد إلا لحاجة الإنسان أو الجمعة أما الحاجة فلحديث عائشة رضي الله عنها كان النبي عليه الصلاة والسلام لا يخرج من الهداية معتكفه إلا لحاجة الإنسان اھ (1/ 132)۔
و في الهداية شرح البداية: وأما الأكل والشرب والنوم يكون في معتكفه لأن النبي عليه الصلاة والسلام لم يكن لمأوى إلا المسجد ولأنه يمكن قضاء هذه الحاجة في المسجد فلا ضرورة إلى الخروج اھ (1/ 133)۔
و في فتح القدير للكمال ابن الهمام: قال (وأما الأكل والشرب والنوم يكون في معتكفه) لأن النبي - عليه الصلاة والسلام - لم يكن له مأوى إلا المسجد، ولأنه يمكن قضاء هذه الحاجة في المسجد فلا ضرورة إلى الخروج. (2/ 396) واللہ اعلم بالصواب