کسی مسلمان پر قادیانی ہونے کی تہمت لگانا

اگر کوئی شخص کسی مسلمان پر قادیانی ہونے کی تہمت لگائے اور اس کو سب جگہ بدنام کرے تو اس کیلیے کیا سزا اور گناہ ہے؟

الجوابُ حامِدا ًو مُصلیِّا ً

کسی مسلمان کو بلا تحقیق قادیانی کہہ کر بدنام کرنا انتہائی نا مناسب اور قابل تعذیر حرکت ہے، تاہم اگر درجہ ذیل تنقیحات کا جواب لکھ کر بھیج دیا جائے تو اس پر مزید غور کیا جاسکتا ہے۔
(۱)شخص مذکور پر قادیانی ہونے کی تہمت کیونکر لگائی جارہی ہے؟
(۲) کیا شخص مذکور کا کسی قادیانی کمپنی یا شخص کے ساتھ کوئی تعلق اور واسطہ ہے یا نہیں؟
(۳) تہمت لگانے والے اور جس پر تہمت لگائی گئی ہے دونوں کی مذہبی ہم آہنگی کیسی ہے؟

مأخَذُ الفَتوی

کما فی الصحیح لمسلم: عن ابن عمران النبی صلی اللہ علیه وسلم قال اذا اکفر الرجل اخاہ فقد باء بها احدهما۔ (ج1، ص57)
وفی الشامية: تحت قوله (اعتقد المسلم کافرًا نعم) أی یکفر ان اعتقد کافرًا (الی قوله) یکفر لانه اعتقد المسلم کافرًا فقد اعتقد دین الاسلام کفرًا۔ (ج4، ص69) ـــــــــــــــــــــــــــــــــــــ واللہ اعلم بالصواب!