نماز جنازہ کے بعد دعا کی شرعی حیثیت

کیا فرماتے ہیں علمائے کرام اس مسئلہ کے بارے میں کہ:
نمازِ جنازہ کے بعد دعاء مانگنا کیسا ہے؟ بعض لوگ کہتے ہیں دعاء مانگنا اچھا ہے، اس میں کوئی حرج نہیں، بعض تو دعاء کرنے کو ضروری جانتے ہیں، نہ مانگنے والے کو برا بھلا کہتے ہیں، اور جھگڑے تک تیار ہوجاتے ہیں، بعض لوگوں کا کہنا ہے جنازہ کے بعد اجتماعی دعاء جیسا کہ آج کل رواج ہے یہ بدعت ہے، اس کا کوئی ثبوت نہیں ملتا، بلکہ نمازِ جنازہ یہ خود دعا ہے۔
اب علماء کرام سے ہماری یہ عرض ہے کہ، قرآن و حدیث اور خلفاء راشدین کے مبارک دور، اسلافِ امت کے عمل اور ائمہ مجتہدین کی مبارک آراء کی روشنی میں، اس مسئلہ کی اس طرح وضاحت فرمادیں کہ، حق پہلو اور مسئلہ کی صحیح حقیقت مخفی نہ رہے، اور غلط راہ پر چلنے والوں کو ایک صحیح راہ ہاتھ میں آجائے۔ جزاکم اللہ واحسن الجزاء!

الجوابُ حامِدا ًو مُصلیِّا ً

نمازِ جنازہ خود دعا ہے، اس کے بعد اجتماعی دعا کرنا قرونِ ثلاثہ مشہود لہا بالخیر سے ثابت نہیں، ایک غیر ضروری امر کو واجب کا درجہ دے دینا، اور اس میں شرکت نہ کرنے والوں کو بنظرِ حقارت دیکھنا، اس دعا کے بدعت ہونے کی واضح دلیل ہے، لہٰذا اس دعا سے احتراز لازم ہے، پس جو لوگ اس دعا کے بدعت اور عدمِ جواز کے قائل ہیں، ان کا کہنا درست ہے۔

مأخَذُ الفَتوی

ففی المرقاۃ: ولا یدعو للمیت بعد صلوٰۃ الجنازۃ لانہ یشبہ الزیادۃ فی صلوٰہ الجنازۃ اھ (64/4)
وفی البحر الرائق: وفیہ بقولہ بعد الثالثۃ لانہ لا یدعو بعد التسلیم اھ(183/2)۔
وفی الفتاویٰ البزازیۃ: لا یقوم بالدعاء بعد صلوٰۃ الجنازۃ لانہ دعا مرۃ اھ (80/1)۔
وفی الفتاویٰ السراجیۃ: لیس فی صلوٰۃ الجنازۃ دعاء مؤقت اذا فرغ من الصلوٰۃ لا یقوم بالدعاء اھ(23)واﷲ اعلم!