وراثتی کاروبار سے کسی ایک وارث کی شرکت ختم کرنا

السلام علیکم ! مفتی صاحب ہم سات(7) بہن بھائی ہیں،والد صاحب کے انتقال کو پینتیس (35) سال ہوگئے،تین بہنوں کو بھائیوں نے اپنے حساب سے دو سال پہلے وراثت کی رقم دی،مجھے نہیں دی،کیونکہ وہ میری سپورٹ کررہے تھے،مجھے وہ شراکت سے الگ کرنا چاہتے ہیں،کیا میرے دو ،تین بھائی ابو مرحوم کے بزنس میں سے میری شراکت داری اپنی مرضی سے میری اجازت کے بغیر کبھی بھی ختم کرسکتے ہیں؟ کیا ان کو یہ حق شریعت دیتی ہے؟ کیا اس فیصلے میں میری رضامندی نہیں چاہیے ہوگی؟ شریعت اس بارے میں کیا کہتی ہے؟رہنمائی کی درخواست ہے۔

الجوابُ حامِدا ًو مُصلیِّا ً

سائلہ نے اس بات کی وضاحت نہیں کی کہ اس کے بھائی اسے اس کا شرعی حصہ دیکر الگ کرنا چاہتے ہیں یا بغیر حصہ دیےالگ کرنا چاہتے ہیں ،تاکہ اس کے مطابق جواب دیا جاتا ،تاہم اگرسائلہ کے بھائی کاروبار میں سے اس کاشرعی حصہ دیکراس کو الگ کرنا چاہتے ہیں، اگرچہ سائلہ اس علیحدگی پر رضامند نہ ہو تب بھی وہ اس فیصلہ میں حق بجانب ہیں،تاہم سائلہ کے بھائیوں کو چاہیے کہ باہمی رضامندی سے ترکہ کی تقسیم کا معاملہ حل کریں،تاکہ ہر وارث کو اس کا شرعی حصہ پوراپورامل جائے۔

مأخَذُ الفَتوی

کمافی درر الحكام في شرح مجلة الأحكام: المادة (1353) - (تنفسخ الشركة بفسخ أحد الشريكين، ولكن يشترط أن يعلم الآخر بفسخه، ولا تنفسخ الشركة ما لم يعلم الآخر بفسخ الشريك)
تنفسخ الشركة بفسخ أحد الشريكين أو بإنكاره الشركة أو بقول أحدهما للآخر لا أعمل معك فإنه بمنزلة فاسختك وتنفسخ ولو كان مال الشركة موجودا في حالة العروض (الی قولہ) ولكن يشترط أن يعلم الآخر بفسخه لأن هذا الفسخ عزل عن الوكالة. انظر المادة (1523) فلذلك لا تنفسخ الشركة ما لم يعلم الآخر فسخ الشريك لها. وفي هذه الصورة إذا عقد ثلاثة عقد شركة مفاوضة وغاب أحدهما وأراد الحاضران فسخ الشركة فليس لهما فسخها ما لم يعلم الغائب بالفسخ (رد المحتار والبحر) ولا يشترط في حصة الفسخ رضاء الآخر (البحر) الخ(ج3 ص370/371 الکتاب العاشر الشرکات،الفصل الرابع ط: دارالجیل)۔