نیشنل سیونگ پاکستان کی طرف سے متعارف کردہ بہبود سرٹیفیکیٹ کا حکم

نیشنل سیونگ پاکستان کی طرف سے متعارف کردہ اسکیم بہبود سرٹیفکیٹ کے نام جو عمر رسیدہ شہریوں اور پنشن یافتگان کے لئے ہے ، اس کے بارے میں معلومات کرنا ہے، جس کے تحت جمع شدہ رقم ایک لاکھ روپے ہونے پر ماہانہ منافع 1130 روپے دئیے جاتے ہیں ،جس کی مقدار وقتاً فوقتاً بدلتی رہتی ہے، براہ کرم مذکور ویب سائٹ ہی دیکھیے گا، کیا یہ منافع حلال ہے یا سود میں شمار ہوگا؟ اور اسی طرح مذکور ادارہ اور ادارہ (NIT) کی طرف سے فراہم کردہ دیگر اسکیموں کے متعلق بھی معلومات چاہتا ہوں۔

الجوابُ حامِدا ًو مُصلیِّا ً

واضح ہو کہ نیشنل سیونگ پاکستان کی طرف سے متعارف کردہ اسکیم بہبود سرٹیفکٹ اور اس طرح NIT کا طریقہ کار سود پر مشتمل ہونے کی وجہ سے ناجائز وحرام ہے، قرآن وحدیث میں سود کے متعلق سخت قسم کی وعیدیں وارد ہوئی ہیں اس لیے اس طرح کے منافع حاصل کرنے سے احتراز لازم ہے۔

مأخَذُ الفَتوی

قال اللہ تعالی: الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ( سورۃ البقرہ ایۃ 275)۔