زیان نام رکھنا کیساہے

"زَیّان حسین" نام رکھنا کیسا ہے؟ میں نے سنا ہے کہ "زِیان" نام کے معنی ٹھیک نہیں ہوتے اور "زَیّان" بھی "زِیان" سے ملتا جلتا ہے۔ رہنمائی فرما دیں۔

الجوابُ حامِدا ًو مُصلیِّا ً

زَیَّان("ز ا "پر زبر اور "یا "پر زبراور شد ) کا معنی ہے"سجاوٹ اورزینت کے لیے استعمال ہونے والی چیز"۔اس معنی کے اعتبار سے زیّان نام رکھنا درست ہے،البتہ "زِیَان، زِیَاں"("زا" کے نیچے زیر اور "یا"پر زبر بغیر شد کے)فارسی کا لفظ ہے جس کا معنی ہے"نقصان،ضرر اور خسارہ"، لہذا یہ نام رکھنا درست نہیں، لیکن ”زَیّان” چونکہ معنی کے اعتبار سے مکمل طور پر مختلف ہے، لہذا ”زَیّان“ نام رکھنے میں کوئی قباحت نہیں۔

مأخَذُ الفَتوی

کما فی المعجم الوسيط: (الزيان) كل ما يتزين به. (الزين)كل ما يزين (ج)أزيان والحسن وهي زينة يقال امرأة زينة.
(الزينة) الزيان ويوم الزينة يوم العيد أو يوم كسر سد الخليج بمصر (ج) زين،(باب الزاى، ج:1، ص:410)-
و فی فیروز اللغات: زِیاں (زِ-یان) [ف،ا،مذ] ضرر، خسارہ، نقصان۔(ص: 800)-